The Leader News
BREAKING
මීමුරේ ගල්ගුහාවේ සිදුවීම සහ අපයෝජනයෙන් උදම් අනන සමාජය ●ගෝලීය අර්බුද හමුවේ චිලී බැංකු සුරැකීමේ සැලසුම නොවෙනස්ව●අත්අඩංගුවට ගත් ආනන්ද පාලිත රක්ෂිත බන්ධනාගාරයට●2026 බදු ආදායම් ඉලක්කය දේශීය ආදායම් දෙපාර්තමේන්තුව කලින්ම පසුකරයි●රාජ්‍ය අභ්‍යන්තර පාලනය ශක්තිමත් කිරීමට විශේෂ පුහුණුවක්●ලෝක බොරතෙල් මිල පහළට: ශ්‍රී ලංකාවටත් සහනයක් ලැබේවිද? | Janath C Perera●ප්‍රාග්ධන වියදම් ඇණහිටීම සහ රටේ ආර්ථිකය ගැන ඒකාබද්ධ විපක්ෂයෙන් දැඩි විවේචනයක්●සෞඛ්‍ය ලේකම් කෙනඩිගේ ප්‍රතිපත්ති හමුවේ අමෙරිකාවට ‘සරම්ප-නිදහස්’ තත්ත්වය අහිමි වෙයි●ක්‍රිමියා පාලමට යළි ප්‍රහාරයක්: යුක්රේනයෙන් දැවැන්තම ඩ්‍රෝන මෙහෙයුම?●ටෙක් දැවැන්තයන්ගේ විරෝධය මැද චීන දත්ත උපාංග තහනම ඉදිරියට●
Top Ad
සාහිත්‍ය - කලා

චිත්‍රපටයක නාමාවලිය යනු හුදු නම් ලයිස්තුවක් පමණක් ද…?

Nethmini

Nethmini

November 17, 2026 • 12:32 PM

චිත්‍රපටයක නාමාවලිය යනු හුදු නම් ලයිස්තුවක් පමණක් ද…?

ලිපියට සවන් දෙන්න

පැහැදිලි සිංහල හඬ කියවනය (Natural Audio)

  • කාලයක සිට මා සිතමින් සිටි , ප්‍රශ්න කරමින් සිටි අදහසක් මෙසේ සටහන් කරමි.
  • එයට සම්බන්ධ වූ ශිල්පීන් නැවත වේදිකාවට පැමිණෙන තුරු ප්‍රේක්ෂකාගාරයේ රැඳී සිටියි; අත්පොළසන් දෙයි; ඔල්වරසන් දෙයි; ඇතැම් විට විසිල් ගසමින් පවා අපේ සතුට ප්‍රකාශ කරයි.
  • නොදකින ශිල්පීන් රැසක ගේ ශ්‍රමය වේදිකා නාට්‍යයක දී හෝ වෙනත් සජීවී ප්‍රසංගයක දී මෙන් , චිත්‍රපටය නිර්මාණය කළ ශිල්පීන් අපේ අත්පොළසන් පිළිගැනීමට සිනමා ශාලාවේ නැති බව සැබෑ ය.
  • නමුත් චිත්‍රපටය අවසානයේ නාමාවලිය සම්පූර්ණයෙන් තිරගත වී අවසන් වන තුරු සිනමා ශාලාවේ රැඳී සිටීම , ඒ නිර්මාණය වෙනුවෙන් කැපවුණු සියලු දෙනාට අපේ ගෞරවය සහ ඇගයීම ප්‍රකාශ කළ හැකි , සරල නමුත් අර්ථවත් ක්‍රියාවක් බව මගේ විස්වාසයයි.
අකුරු ප්‍රමාණය (Font Size):

කාලයක සිට මා සිතමින් සිටි, ප්‍රශ්න කරමින් සිටි අදහසක් මෙසේ සටහන් කරමි.

අප වේදිකා නාට්‍යයක් හෝ වෙනත් සජීවී ප්‍රසංගයක් නැරඹීමට ගොස් එය අවසන් වූ සැණින් ප්‍රේක්ෂකාගාරයෙන් නැගිට පිටව යන්නේ නැත. එයට සම්බන්ධ වූ ශිල්පීන් නැවත වේදිකාවට පැමිණෙන තුරු ප්‍රේක්ෂකාගාරයේ රැඳී සිටියි; අත්පොළසන් දෙයි; ඔල්වරසන් දෙයි; ඇතැම් විට විසිල් ගසමින් පවා අපේ සතුට ප්‍රකාශ කරයි. ඒ සියල්ල තුළ තිබෙන්නේ අපට රසවින්දනයක්, අත්දැකීමක් ලබාදීම වෙනුවෙන් කැපවුණු නිර්මාණකරුවන්ට සහ අනෙකුත් ශිල්පීන්ට දක්වන ගෞරවය සහ කෘතවේදීත්වයයි.

නමුත් ඇයි අපි සිනමා නිර්මාණයක් නරඹා අවසානයේ එසේ නොකරන්නේ…?

නොදකින ශිල්පීන් රැසක ගේ ශ්‍රමය

වේදිකා නාට්‍යයක දී හෝ වෙනත් සජීවී ප්‍රසංගයක දී මෙන්, චිත්‍රපටය නිර්මාණය කළ ශිල්පීන් අපේ අත්පොළසන් පිළිගැනීමට සිනමා ශාලාවේ නැති බව සැබෑ ය. නමුත් චිත්‍රපටය අවසානයේ නාමාවලිය සම්පූර්ණයෙන් තිරගත වී අවසන් වන තුරු සිනමා ශාලාවේ රැඳී සිටීම, ඒ නිර්මාණය වෙනුවෙන් කැපවුණු සියලු දෙනාට අපේ ගෞරවය සහ ඇගයීම ප්‍රකාශ කළ හැකි, සරල නමුත් අර්ථවත් ක්‍රියාවක් බව මගේ විස්වාසයයි.

මොකද චිත්‍රපටයක් යනු තනි පුද්ගලයෙකුගේ වික්‍රමයක් හෝ ජයග්‍රහණයක් නොවෙයි. විශේෂයෙන් අප තිරය මත දකින රංගන ශිල්පින් හෝ ප්‍රමුඛතාව ලබා දී අගය කරන අධ්‍යක්ෂකවරයා, නිෂ්පාදකවරයා, කලා අධ්‍යක්ෂකවරයා, සංගීත අධ්‍යක්ෂකවරයා යනාදි ප්‍රධාන භූමිකාවල දායකත්වයෙන් පමණක් නිර්මාණය කළ හැකි දෙයක් නොවෙයි. අප දකින සහ නොදකින ශිල්පීන් රැසක ගේ ශ්‍රමය, දක්ෂතාව, කැපවීම, සිහින සහ බලාපොරොත්තු එක්ව ගොඩනැගෙන සාමූහික නිර්මාණයකි. අප චිත්‍රපටයක් නරඹා අවසන් වූ පසු බොහෝ විට මතකයේ රඳවා ගන්නේ තිරය මත දුටු මුහුණු කිහිපයක් පමණයි. නමුත් එම මුහුණු, රූප සහ කතාව අප වෙත ගෙන ඒමට තිරයෙන් පිටුපස තවත් බොහෝ මිනිසුන් වැඩ කළ බව අමතක නොකළ යුතුයි.

නිර්මාණ කාර්යයේ කැමරාව පිටුපස කතා

ඒ ඒ චිත්‍රපට නිෂ්පාදනයේ වැඩ පරිමාව අනුව, විශාල ශිල්පින් ප්‍රමාණයක් තම දැනුම, ශ්‍රමය, කාලය යොදවයි. ඇතැම් විට එය පුද්ගලයන් 60 දෙනෙකු විය හැකියි. තවත් විටෙක එය පුද්ගලයන් 200 දෙනෙකුගේ හෝ ඊටත් වැඩි පිරිසකගේ දායකත්වය විය හැකියි. අසීමිතව කායිකව වෙහෙස වී වැඩ කළ දිගු දවස්, නිදි වර්ජිතව ගත කළ රාත්‍රීන්, මුහුණ දුන් අභියෝග, ජයග්‍රහණ, අනතුරු, ඇතැම් අවස්ථාවල පෞද්ගලික ජීවිතයෙන් කළ කැපකිරීම් පවා මේ නිර්මාණ කාර්යයේ කැමරාව පිටුපස කතාවලට අයිතියි. බොහෝ අවස්ථාවල ඒවා කිසිවකුගේ අවධානයට හෝ ඇගයීමට ලක් නොවූ කරුණුයි.

එමනිසා මම සිතන්නේ, චිත්‍රපටයක අවසාන නාමාවලිය යනු හුදෙක් නම් ලැයිස්තුවක් නොවෙයි. එය, ඒ නිර්මාණය යථාර්ථයක් බවට පත්කිරීමට දායක වූ මිනිසුන්ගේ ශ්‍රමයට සහ නිර්මාණාත්මක දායකත්වයට හිමිවන පිළිගැනීමක් සහ ඇගයීමක් බව මගේ අදහසයි.

ඉතින්, ඒ ශිල්පීන් වෙනුවෙන් අප ගේ කාලයෙන් තවත් විනාඩි කිහිපයක් වෙන් කර නාමාවලිය අවසන් වන තුරු සිනමා ශාලාවේ රැදී සිට, අත්පොළසන් නාදයකින් සතුට ප්‍රකාශ කිරීමට හැකි නම් කොතරම් අගනේදැයි මට සිතෙයි...

The Leader • WhatsApp නිල සේවාව

අපගේ නිල WhatsApp සමූහයට එක්වන්න

නවතම සහ උණුසුම් පුවත්, විශේෂ විමර්ශන වාර්තා ක්ෂණිකව ඔබගේ දුරකථනයටම ලබාගැනීමට The Leader WhatsApp සමූහය හා අදම එක්වන්න.

The Leader • අප ගැන

Theleader.lk යනු ශ්‍රී ලංකාව තුළ සහ ජාත්‍යන්තර ඩයස්පෝරාව අතර ක්‍රියාත්මක වන ප්‍රවෘත්ති සහ කාලීන විශේෂාංග පළ වන ප්‍රමුඛතම වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරනු ලබයි.

තව කියවන්න (Read More)→

Discussion (0)

Join the Conversation

Register as a reader to share your comments, react to analysis, and join discussions on The Leader stories.

Loading discussion...