The Leader News
BREAKING
'එකේ පන්තියේ ගුරුතුමී' හමු වී 'ඒ රෝස පැහැති ෆයිල් කවරය' දිග හරින්න 21 වන දා ගම්පහට එන්න●කුඩා මිනිස්සුන් ගේ ජීවිත වෙත ඉවසීමෙන් ඇතුළුවිය හැකි සියුම් යතුර; 'මුවන්පැලැස්සේ හිඟන කොල්ලා'●ලෙස්ටර් ගේ ලොකු ම විප්ලවය; 'රන් සළු'●ක්ෂුද්‍ර කතාව නෑකම් දක්වන්නේ කෙටිකතාවට වඩා කවියට - සම්මානිත මහාචාර්ය සරත් විජේසූරිය●කථානායකගේ තීරණ අධිකරණයට ප්‍රශ්න කළ හැකිද? නීති තර්ක උණුසුම් වෙයි●හිටපු මන්ත්‍රීවරුන් යළි එකම වේදිකාවකට: නව සංගමය 28 දා ඇරඹේ●Diginote : දේශීය ආදායම් බදු ඉලක්කය ඉක්මවයි; ලාෆ්ස් ගෑස් අඩුවෙයි●මිනිත්තු කිහිපයකින් සංචිත අහිමි වීමේ අවදානමක්? සයිබර් ආරක්ෂාව ගැන රවී ප්‍රශ්න කරයි●ඉන්දියාව පාකිස්තානය පරදවා 10 වැනි සාෆ් කුසලානය දිනයි!●විදේශිකයන් 5,000කට වීසා දුන් අබිරහස ගැන විමර්ශන ඉල්ලීම්●
Top Ad
සාහිත්‍ය - කලා

කුඩා මිනිස්සුන් ගේ ජීවිත වෙත ඉවසීමෙන් ඇතුළුවිය හැකි සියුම් යතුර; 'මුවන්පැලැස්සේ හිඟන කොල්ලා'

Nethmini

Nethmini

November 18, 2026 • 1:15 PM

කුඩා මිනිස්සුන් ගේ ජීවිත වෙත ඉවසීමෙන් ඇතුළුවිය හැකි සියුම් යතුර; 'මුවන්පැලැස්සේ හිඟන කොල්ලා'

ලිපියට සවන් දෙන්න

පැහැදිලි සිංහල හඬ කියවනය (Natural Audio)

  • ජීවිතය නම් අසවල් පැහැය යැයි කියමින් නිශ්චිතවම ඊට පැහැයක් තැවරීමට අපට නොහැකි ය.
  • එයට බොහෝ පිළිතුරු තිබිය හැකි වෙතත් , සරල ම උත්තරය ලෙස මෙසේ පැවසිය හැකිය.
  • වචනවලින් ඔබ්බෙහි පවතින මොහොත ජීවිතයේ එතෙක් නොදුටු ,තමන් තුළ වෙසෙන තමන්ගේ ම අනෙකා හෙවත් ,අනෙක් අර්ධය මුණ ගැසීම නම් මහ අසිරිමත් දෙයකි.
  • බිසෝ ප්‍රකාශනයක් වෙන මේ කෘතියේ කවරය ප්‍රදීප් ප්‍රේමලාල් ගේ ය.
අකුරු ප්‍රමාණය (Font Size):

ජීවිතය නම් අසවල් පැහැය යැයි කියමින් නිශ්චිතවම ඊට පැහැයක් තැවරීමට අපට නොහැකි ය. එය බොහෝවිට සියලු වර්ණවල සංකලනයකි. විටෙක කෙනකු ගේ දිවිය තද වර්ණයෙන් පමණක් සිත්තම්ව තිබිය හැකි ය. තවත් කෙනකුගේ සමස්ත ජීවිතය ම ළා පැහැය තැවරූ කැන්වසයකි.

නවකතාවද එබඳු ය.

මිනිස් ආත්ම සමූහයක අනු පිටපතක්

කවර අර්ථයෙන් ගත්තද ලෝකයේ මෙතෙක් ලියැවුණු සහ ලියැවෙන සියලු නවකතා නිශ්චිත පැහැයක් නැති ජීවිතවල ස්කෑන් පිටපතකට නොදෙවෙනි ය. තවත් ජීවිතයක නැතිනම් මිනිස් ආත්ම සමූහයක එවැනි අනු පිටපතක් කියැවීමෙන් අපට ලැබෙන්නේ මොනවා ද…?

එයට බොහෝ පිළිතුරු තිබිය හැකි වෙතත් ,සරල ම උත්තරය ලෙස මෙසේ පැවසිය හැකිය.

ඒ, තමන්ට තමන් හමුවීමට මාර්ගයක් නිර්මාණය වීම ය.

වචනවලින් ඔබ්බෙහි පවතින මොහොත

ජීවිතයේ එතෙක් නොදුටු ,තමන් තුළ වෙසෙන තමන්ගේ ම අනෙකා හෙවත් ,අනෙක් අර්ධය මුණ ගැසීම නම් මහ අසිරිමත් දෙයකි. නැතහොත් ,රහසින් හඬා වැටෙන්නට සිදුවන තරමේ කටුක වේඳනාවකි. සොවකි. තමන්ට ම අනුකම්පාවක් නැතිනම් දැඩි පිළිකුලක් දැනෙන තරමේ වචනවලින් ඔබ්බෙහි පවතින කිසියම් මොහොතකි.

හැම නවකතාවකින් ම නොවුණත් බොහෝ ප්‍රබන්ධ කෘතිවලින් ඒ මොහොතට අප කැඳවනු ලබයි.

සාහිත්‍යවේදී, ජයසිරි අලවත්ත ගේ නවතම ප්‍රබන්ධ නවකතාව වෙන " මුවන්පැලැස්සේ හිඟන කොල්ලා " ද යටකී මොහොත වෙත නිරායාසව ම අපව කැඳවන කෘතියකි.

බිසෝ ප්‍රකාශනයක් වෙන මේ කෘතියේ කවරය ප්‍රදීප් ප්‍රේමලාල් ගේ ය.

මිනිස් දිවියේ බිම්ගත ගුඪ කලාප තුළ, ජීවන පැවැත්ම මෙන්ම මැද සාලයේ චරිත අතුරින් පමණක් ජීවිතය වර නැගීමේ ප්‍රබන්ධම ය සීමා ඉක්මවමින්, සමාජයෙන් සැඟැවුණු සමහර කුඩා මිනිස්සුන්ගේ ජීවිත වෙත ඉවසීමෙන් ඇතුළුවිය හැකි සියුම් යතුරක් 'මුවන්පැලැස්සේ හිඟන කොල්ලා ' අත, ලේඛක අලවත්ත තබා තිබේ.

හැකි විටෙක ඔබත් කියවා බලන්න!

කතුවරයා ගේ ඡායාරූපය - Tissa Gunawardana

The Leader • WhatsApp නිල සේවාව

අපගේ නිල WhatsApp සමූහයට එක්වන්න

නවතම සහ උණුසුම් පුවත්, විශේෂ විමර්ශන වාර්තා ක්ෂණිකව ඔබගේ දුරකථනයටම ලබාගැනීමට The Leader WhatsApp සමූහය හා අදම එක්වන්න.

The Leader • අප ගැන

Theleader.lk යනු ශ්‍රී ලංකාව තුළ සහ ජාත්‍යන්තර ඩයස්පෝරාව අතර ක්‍රියාත්මක වන ප්‍රවෘත්ති සහ කාලීන විශේෂාංග පළ වන ප්‍රමුඛතම වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරනු ලබයි.

තව කියවන්න (Read More)→

Discussion (0)

Join the Conversation

Register as a reader to share your comments, react to analysis, and join discussions on The Leader stories.

Loading discussion...