ජාතික ළමා ආරක්ෂක අධිකාරිය පවසයි.
කලාප අධ්‍යාපන අධ්‍යක්ෂක වරයකු විසින් ලිපියක් මගින් කරන ලද දැනුම් දීමකට අනුව, ජාතික ළමා ආරක්ෂක අධිකාරියේ විශේෂ පොලිස් විමර්ශන ඒකකය සිදුකළ විමර්ශනයකින් පසු වයස අවුරුදු 39 ක් වන සැකකාර මුරකරු අත් අඩංගුවට ගෙන, අධිකරණයට ඉදිරිපත් කොට රක්ෂිත බන්ධනාගාර ගතකර තිබේ.
ජාතික ළමා ආරක්ෂක අධිකාරියේ සභාපති මහාචාර්ය මුදිත විදානපතිරණ පවසන්නේ සිද්ධිය සම්බන්ධයෙන් වින්දිත දැරියන්ගෙන් ප්‍රකාශ සටහන් කරගෙන ඇති බවයි.
පාසලේ විදුහල්පතිවරයාගෙන්, ගුරුවරුන්ගෙන් හා දැරියන්ගේ දෙමව්පියන්ගෙන් ද ප්‍රකාශ සටහන් කරගෙන තිබෙන බව ජාතික ළමා ආරක්ෂක අධිකාරිය අගෝස්තු 3 බ්‍රහස්පතින්දා නිකුත් කළ නිවේදනයේ වැඩි දුරටත් සදහන්ය.
පීඩාවට පත් දැරියන් හා සැකකරු වෛද්‍ය පර්යේෂණ සඳහා කුරුණෑගල ශික්ෂණ රෝහලේ අධිකරණ වෛද්‍ය නිලධාරී වෙත ඉදිරිපත් කර තිබේ.
සැකකරු බාල වයස්කාර දැරියන් තිදෙනාට ලිංගික අතවර සිදු කිරීම සම්බන්ධයෙන් 1995 අංක 22 දරණ දණ්ඩ නීති සංග්‍රහ (සංශෝධන) පනතේ 05 වැනි වගන්තියෙන් සංශෝධිත 345 වන වගන්තිය යටතේ, නිකවැරටිය මහේස්ත්‍රාත් අධිකරණය වෙත ඉදිරිපත් කර, රක්ෂිත බන්ධනාගාරගත කර ඇති බව මහාචාර්ය මුදිත විදානපතිරණ වැඩි දුරටත් සදහන් කරයි.
ජාතික ළමා ආරක්ෂක අධිකාරියේ සභාපති මහාචාර්ය මුදිත විදානපතිරණ, නියෝජ්‍ය සභාපති විශ්‍රාම ලත් මහාධිකරණ විනිසුරු නීතිඥ සුජාතා අලහප්පෙරුම, අධ්‍යක්ෂ ජනරාල් අනෝමා සිරිවර්ධනගේ මග පෙන්වීම හා අධීක්ෂණය යටතේ, ජාතික ළමා ආරක්ෂක අධිකාරියේ විශේෂ පොලිස් විමර්ශන ඒකකය අදාළව විමර්ශන කටයුතු සිදු කර තිබේ.
''ළමා අපයෝජන සම්බන්ධයෙන් දැනුම් දීම සඳහා 1929 කෙටි දුරකථන ඇමතුම් අංකය අමතන ලෙස ජාතික ළමා ආරක්ෂණ අධිකාරිය ඉල්ලා සිටී.''
ළමා අපයෝජන සම්බන්ධයෙන් දැනුම් දීම සඳහා 1929 කෙටි දුරකථන ඇමතුම් අංකය අමතන ලෙස ජාතික ළමා ආරක්ෂණ අධිකාරිය ඉල්ලා සිටී.
අපරාධ සහ සංවිධානාත්මක අපරාධ දිසාව භාර නියෝජ්‍ය පොලිස්පති ප්‍රියන්ත ජයකොඩි 2019 වසරේ අපරාධ සංඛ්‍යා ලේඛන උපුටා දක්වමින් පසුගියදා හෙළි කර තිබුනේ ශ්‍රී ලංකාවේ සෑම පැය දෙකකට වරක්ම කුඩා දරුවකු අපචාරයට ගොදුරු වන අතර දිනකට අඩුම වශයෙන් ස්ත්‍රී දූෂණ හතරක් වාර්තා වන බවයි.