මෙරට කලා හා සංස්කෘතික ක්ෂේත්‍රයන්හි දියුණුවට ඇප කැපව සුවිසල් සේවාවක් ඉටුකළ ජ්‍යෙෂ්ඨ පුරවැසි කලාකරුවන් සිනමාවේදීන් ඇතුළු අංශ 20ක ප්‍රවීණයෝ විසි දෙනෙකුට අද උපහාර බුහුමන් පුදන බව The Ceylon Artist Council හි ජාතික සංවිධායක කෝසල ජී. මුණසිංහ ප්‍රකාශ කළේය.
දිවංගත සිනමාවේදිනී මාලනී ෆොන්සේකා, ප්‍රවීණ රංගධර රවින්ද්‍ර රන්දෙණිය, අයිරාංගනී සේරසිංහ, මැණිකේ අත්තනායක, සිරිල් වික්‍රමගේ, නීල් අලස් ප්‍රවීණ ගායන ශිල්පී වික්ටර් රත්නායක, ලතා වල්පොල, සතිශ්චන්ද්‍ර එදිරිසිංහ, රෝහණ බැද්දගේ, සූරියකුමාර මුත්තලගේ, ප්‍රියංකර පෙරේරා, කලාවතී, සිනමා අධ්‍යක්ෂ ධර්මසිරි බණ්ඩාරනායක, හෙක්ටර් කුමාරසිරි, සේන සමරසිංහ, එම්.ඩී. මහින්දපාල, සෝමපාල ලීලානන්ද, සිරි කහවල, ආතර් යූ අමරසේන ඇතුළු ප්‍රවීණයෝ මෙහිදී උපහාර ලබනු ඇත.
මෙවැනි වැඩපිළිවෙළක් ආරම්භ කිරීම සමගින් The Ceylon Artist Council හි සේවා කටයුතු ජනගත කිරීම ආරම්භ කරන බව එහි සභාපති සේනක විජේසිංහ ප්‍රකාශ කළේය.
(සටහන | ජයසිරි මුණසිංහ)
