ශ්‍රී ලංකාවේ අපරාධ හා නීති ඉතිහාසයේ සුවිශේෂී සිදුවීමක් වූ කොබෙයිගනේ රූමතියගේ ඝාතනය පදනම් කරගනිමින්, මනුෂ්‍යත්වය, යුක්තිය සහ නීතිය අතර ඇති ගැඹුරු සම්බන්ධතාව විමසා බලන කෘති ද්විත්වයක් එළිදැක්වීමට නියමිතය.
ජනාධිපති නීතිඥ සරත් ජයමාන්න විසින් රචනා කරන ලද ‘කොබෙයි නෙතක ලේ කඳුළක්’ සහ එහි ඉංග්‍රීසි කෘතිය වන ‘BLOOD LACED TEARS’ මෙලෙස පාඨකයන් වෙත හඳුන්වා දීමට නියමිතය.
කොබෙයිගනේ රූමතියගේ ඝාතනය වටා ගොඩනැඟුණු අභිරහස, එහි විමර්ශන හා නීතිමය පසුබිම මෙන්ම අපරාධයක් පිටුපස සැඟවී ඇති මනුෂ්‍ය ජීවිතවල වේදනාව ද මෙම කෘති හරහා විමර්ශනයට ලක් කෙරෙනු ඇත.
මෙය හුදෙක් අපරාධ සිදුවීමක් පිළිබඳ කතාවක් පමණක් නොව, අපරාධ යුක්තිය, විද්‍යාත්මක සාක්ෂි, නීතියේ භූමිකාව සහ මනුෂ්‍යත්වයේ වටිනාකම පිළිබඳ පාඨකයාට ගැඹුරු සිතුවිල්ලක් ඇති කරවන සාහිත්‍යමය හා නීතිමය ප්‍රවේශයක් ලෙස ද වැදගත් වේ.
‘කොබෙයි නෙතක ලේ කඳුළක්’ සහ ‘BLOOD LACED TEARS’ කෘති ද්විත්වය Sensibus Publishers විසින් ප්‍රකාශයට පත් කරනු ලබන අතර, එළිදැක්වීම 2026 නොවැම්බර් 12 වැනි බ්‍රහස්පතින්දා එළිදැක්වනු ඇති.
වසර ගණනාවක් පුරා කතාබහට ලක්වූ අපරාධයක සැඟවුණු පැතිකඩ, නීතියේ ඇසින් සහ මනුෂ්‍යත්වයේ හදවතින් කියවීමට කැමති පාඨකයන්ට මෙම කෘති ද්විත්වය සුවිශේෂී අත්දැකීමක් වනු ඇත.
මෙම කෘතිය එළිදැක්වීමේ විශේෂ අවස්ථාව සජීවීව (Live) විකාශය කිරීමට නියමිතව තිබේ.
