කෘෂිකාර්මික නිෂ්පාදන සහ ධාන්‍ය මිලෙහි දැවැන්ත වැඩිවීමෙන් මුළු දකුණු ආසියාවේම දරුණුතම බලපෑමට ලක්ව සිටින රට ශ්‍රී ලංකාව යි.


ලෝක බැංකුව විසින් පසුගියදා නිකුත් කළ ආහාර සුරක්ෂිතතාව පිළිබඳ නවතම වාර්තාවට අනුව ලෝකයේ ආහාර මිල උද්ධමනය වැඩිම රටවල් දහය අතරට ශ්‍රී ලංකාව පැමිණ සිටී.

දෙසැම්බර් 15 දින නිකුත් කරන ලද එම වාර්තාවට අනුව, පසුගිය වසරට සාපේක්ෂව 2022 වසරේ නොවැම්බර් වන විට ශ්‍රී ලංකාවේ වාර්ෂික  නාමික ආහාර උද්ධමනය 74% ට ආසන්න අගයක් ගෙන තිබේ.

රටේ ජනගහනයෙන් තුනෙන් පංගුවකට ආසන්න පිරිසක් සිටින්නේ එදාවේල පිරිමසාගත නොහැකි මට්ටමකය.

Photo 1                    උපුටා ගැනීම - ආහාර සුරක්ෂිතතාව පිළිබඳ ලෝක බැංකු යාවත්කාලීන වාර්තාව 2022.12.15



දේශගුණික කම්පනයන්ගේ ඉහළ යාම, විදේශ මුදල් සංචිත ක්ෂය වීම සහ දේශීය මුදල් වල වටිනාකම අවප්‍රමාණය වීම හේතුවෙන්, පොදුවේ දකුණු ආසියාව තුළ ආහාර මිල සාමාන්‍ය මට්ටමට වඩා ඉහළ යාමක් මෙම Photo 3වසරේ වාර්තා වී ඇති අතර, සෞඛ්‍ය සම්පන්න ආහාර ලබා ගැනීමේ හැකියාව ද දකුණු ආසියාව තුළ පොදුවේ අඩු වී ඇති බව ලෝක බැංකු වාර්තාව පෙන්වා දෙයි.

මෙහිදී, දරුණුම උද්දමනයට මුහුණ  දීමට සිදුවී ඇති ශ්‍රී ලංකාවේ, 2022 නොවැම්බරයේ දී ආහාර සඳහා පසුගිය වසරට සාපේක්ෂව පාරිභෝගික භාණ්ඩ උද්ධමනය සියයට 73.7ක් වන විට, අර්බූදයන්ට මුහුණ  පෑ අනෙකුත් දකුණු ආසියාතික රටවල් වන පාකිස්තානයේ පාරිභෝගික භාණ්ඩ උද්ධමනය සියයට 31.2ක් ද, බංග්ලාදේශයේ සියයට 8.1ක් සහ නේපාලයේ සියයට 8.1ක් ද විය.

ශ්‍රී ලංකාව තුළ පවතින, පොහොර හිඟය මෙන්ම පොහොර සඳහා දැරීමට සිදුව ඇති ඉහළ පිරිවැය සහ දකුණු සහ මධ්‍යම පළාත්වලට ලැබෙන වර්ෂාපතනය අඩුවීම හේතුවෙන් ඉදිරි කන්නයේ දී ද අස්වැන්න සියයට 50 කින් පමණ අඩු වීමේ අවදානමක් පවතින බව, මෙම වාර්තාව පුරෝකථනය කරයි.

මීට අමතරව, දිවයින මුහුණ පා ඇති ආර්ථික අභියෝග හේතුවෙන් ආනයනික ධාන්‍ය වර්ග වල (ටොන් මිලියන 2.2 න් මිලියන 1.27ක්) සැලකිය යුතු හිඟයක් මතු වී ඇති අතර, රජය විසින් පනවා ඇති ආනයන සීමා හේතුවෙන් ගොවිපල සහ ආහාර සැකසුම් කර්මාන්ත සඳහා අවශ්‍ය ද්‍රව්‍ය වල හිඟයක් ද හටගෙන තිබේ.

ශ්‍රී ලංකාවේ ආහාර උද්ධමනය 2021 දෙසැම්බර් සිට නොවැම්බර් 2022 දක්වා (ප්‍රතිශතයේ වෙනස, පසුගිය වසරට සාපේක්ෂව) පහත වගුවෙන් දැක්වේ.



Photo 2             උපුටා ගැනීම - ආහාර සුරක්ෂිතතාව පිළිබඳ ලෝක බැංකු යාවත්කාලීන වාර්තාව 2022.12.15



පසුගිය මැයි මාසයේදී, ලෝක බැංකු සමූහය සහ G7 සංවිධානය එක්ව, කුසගින්න සම්බන්ධයෙන් වන ගෝලීය අර්බුදයට ක්ෂණික සහ සාමූහික ප්‍රතිචාරයක් ලබා දීම අරමුණු කරගෙන ‘ආහාර සුරක්ෂිතතාව සඳහා වූ
ගෝලීය සන්ධානය’ කැදවූ අතර, එමගින් පොදුවේ ප්‍රවේශ විය හැකි ගෝලීය ආහාර සහ පෝෂණ ආරක්ෂණ දත්ත පුවරුවක් ආරම්භ කරන ලදී.

එයට අනුව, 2022 දෙසැම්බර් මාසයේදී, ශ්‍රී ලංකාවේ ප්‍රමාණවත් ආහාර පරිභෝජනයක් සඳහා අවස්ථාව නොමැති සහ දුර්වල හා අවම සීමාවේ ආහාර පරිභෝජනයක් සහිත ජන ප්‍රමාණය, දිවයිනේ මුළු ජනගහණයෙන් 30.99% කි.

Photo 4 

The LEADER Whatsapp Group එකට එකතුවෙන්න

new logo

Follow Us

Image
Image
Image
Image
Image
Image

Exchange Rates