පහලොස් වසරකට ඉහත දී ඝාතනයට ලක්වු  ස්වකීය ආදරණීයයන් සිහිපත් කිරීම සදහා ප්‍රදේශවාසී  ජනතාවට කැඳ බෙදාදීම තහනම්

කරමින් ලබාගත්  උසාවි නියෝගයක් අනුව පොලීසිය විසින්  අත්අඩංගුවට ගෙන රිමාන්ඩ් ගත කර සිටි දෙමළ ජාතිකයන් සිව් දෙනා ඇප මත නිදහස් කිරීමට අධිකරණය නියෝග කර තිබේ.

පළාත් බද වාර්තාකරුවන් පවසන්නේ පොලීසිය විසින් මැයි 12 වැනිදා ඉරිදා රාත්‍රියේ දී අත් අඩංගුවට ගන්නා ලද කමලේස්වරන් තෙන්නිලා, කමලේස්වරන් විජිතා, සෙල්ව විනෝද් සුජානි යන කාන්තාවන් තිදෙනා  හා නවරත්න රාසා හරිහර කුමාර් යන සිව් දෙනා,  එක් අයෙකුට රුපියල් ලක්ෂය බැගින් වු ශරීර ඇප මත නිදහස් කිරීමට මුතුර් මහේස්ත්‍රාත් තස්ලීන් ෆවුසාන් මැයි 17 වැනිදා නියෝග කළ බවයි.

අත්අඩංගුවට ගත් සිව්දෙනාට මැයි 16 වැනිදා සිවිල් හා දේශපාලන අයිතිවාසිකම් පිළිබද ජාත්‍යන්තර සම්මුතිය (ICCPR) යටතේ නඩු ගොනු කර තිබු පොලීසිය අද එය වෙනස් කරමින් අපරාධ නඩු විධාන සංග්‍රහය යටතේ නඩු ගොනු කිරීමත් සමග ඔවුන්ට ඇප ලබා ගැනීමට නීතිඥ නාගරාජා මෝහන් සමත් වු බව ඔවුහු වැඩි දුරටත් පවසති.

දෙමළ ජාතිකයන් සිව් දෙනා ප්‍රචණ්ඩ ලෙස අත් අඩංගුවට ගැනීමට මග පෑදු මුතුර් අධිකරනයේ තහනම් නියෝගය දින හතරක් තුලදී ඉවත් කරගැනීමට නීතිඥ කනගරත්නම් සුගාෂ් ප්‍රමුඛ නීතිඥවරුන් මැයි 16 වැනිදා  සමත්ව තිබුනි.

කැඳ තහනම ඉවත් කරගැනීම සඳහා මෙන්ම රිමාන්ඩ් ගත කර සිටි සිව් දෙනාට ඇප ලබා ගැනීම සදහා ද  අධිකරණයේ කරුණු දැක්වීමට මුස්ලිම් නීතිඥයන් පිරිසකගේ සහාය හිමිව තිබු බව පළාත් බද වාර්තාකරුවෝ වැඩි දුරටත් පවසති.


සබැඳි පුවත් :

මුතුර් උසාවිය පැනවූ කැඳ තහනම දවස් හතරින් ඉවතට

'මුල්ලිවයික්කාල් කන්ජි' නොහොත් කැඳ යනු මොනවාද? එය සකස් කරන්නේ ඇයි?

මුල්ලිවයික්කාල් කැඳ දන්සැල් තහනම් කිරීම සහ අත්අඩංගුවට ගැනීම් සිදු කරන්නේ ඇයි?

යුද සමයේ මියගිය හා අතුරුදන් වූ පුද්ගලයන් ගැන සංවේදී ලෙස ක්‍රියාකල යුතුයි - කරු 

නැගෙනහිර කැඳ දන්සලක් වැසීමේ පොලිස් උත්සාහය අසාර්ථකයි

‘ත්‍රස්තවාදය’ට විරුද්ධව වෙසක් මාසයේ කැඳ දන්සලකට උසාවි තහංචි

කැඳ දන්සලක් දුන්නාට උසාවි නියෝගයෙන් දෙමළ හතරක් කූඩු කෙරේ

 

worky

worky 3

Follow Us

Image
Image
Image
Image
Image
Image

නවතම පුවත්