දැඩි හානි පමුණුවා තිබේ.
පළාත් බද වාර්තාකරුවන් පවසන්නේ එම ගිනි තැබීමෙන් යාපනය පදනම් කරගත් නිදහස් මාධ්‍යවේදී තම්බිතුරෙයි ප්‍රදීපන්ගේ යතුරුපැදිය ගිනි ගෙන ඇති අතර ඔහුගේ සහෝදරයකුට අයත් ත්‍රිරෝද රථයටද පහර දී එම පිරිස දැඩි හානි සිදු කර ඇති බවයි.
යාපනය අච්චුවේලියේ, පත්තමේනිහි කාලි කෝවිල ආසන්නයේ පිහිටි සිය නිවසේ ජීවත් වන මාධ්‍යවේදී තම්බිතුරෙයි ප්‍රදීපන් සිය මාධ්‍ය සගයන් සමග පවසා ඇත්තේ ජුනි 13 වැනිදා අළුයම 12.15 ට පමණ යතුරු පැදි දෙකකින් සිය නිවසට පැමිණි පස් දෙනකුගෙන් යුත් කණ්ඩායමක් නිවසේ ඉදිරි කොටසට ගිති තැබු බවයි.
ගින්නෙන් නිවසේ ඉදිරි කොටසේ තිබු බඩු භාණ්ඩ ඇතුළු දේපල රැසකට හානි සිදුව ඇති අතර මාළු ටැංකිය හා නිවසේ ජනේල වලටද හානි සිදුව තිබේ.
නාදුනන පිරිස විසින් සිදු කළ පහර දීම් හේතුවෙන් නිවසේ ගේට්ටුවටද දැඩි හානි සිදුව ඇති බව පෙන්වා දෙන මාධ්‍යවේදියා තව දුරටත් පවසන්නේ "සංක්‍රාන්තික ලිංගික හැගීම් වැරදි ලෙස නිරූපනය නොකරන්න" යනුවෙන් දෙමළ බසින් මුද්‍රිත පත්‍රිකාවක්ද එම පිරිස විසින් සිය ඉඩමේ දමා ගොස් තිබු බවයි.
පළාත් බද වාර්තාකරුවන් පවසන්නේ මේ සම්බන්ධයෙන් මාධ්‍යවේදීයා අච්චුවේලි පොලීසියට පැමිණිලි කර ඇති අතර පොලීසිය මේ වන විටත් පරීක්ෂණ ආරම්භ කර ඇති බවයි.
තම්බිත්තුරෙයි ප්‍රදීපන් යාපනයේ සිට මාධ්‍ය ආයතන කිහිපයකටම ප්‍රවෘත්ති සම්පාදනය කරන ප්‍රමුඛ පෙලේ නිදහස් මාධ්‍යවේදියෙකි.
