මිනිස් අස්ථි තව දුරටත් පසට යටවී ඇති ස්ථාන වෝහාරික පුරාවිද්‍යාඥ මහාචාර්ය රාජ් සෝමදේව විසින් හඳුනාගෙන අධිකරණයට වාර්තා කිරීමෙන් පසු නව භූමි භාගයේ කැනීම් කටයුතු ජුනි 02 බදාදා ආරම්භ කළ බවයි චෙම්මනි සමූහ සුසාන භුමිය නිරීක්ෂණයේ යෙදී සිටින පළාත් බද වාර්තාකරුවන් පවසන්නේ.
වෝහාරික පුරාවිද්‍යාඥ මහාචාර්ය රාජ් සෝමදේව විසින් අධිකරණයට වාර්තා කරන ලද එම භුමියේ පිරිසිදු කිරීමේ කටයුතු යාපනය විශ්ව විද්‍යාලයේ පුරාවිද්‍යා අධ්‍යයන අංශයේ සිසුන්ගේ සහ නල්ලූර් ප්‍රාදේශීය සභාවේ සේවකයන්ගේ සහාය ඇතිව ජුනි 01 වැනිදා සිදු කර තිබුනි.
අපරාධයක් සිදු වු ස්ථානයක් ලෙස අධිකරණය විසින් නම් කර තිබෙන යාපනයේ චෙම්මනි, සිත්තුපාත්ති සමූහ සුසානයෙන් අඩුම වශයෙන් දරුවන් දස දෙනකුගේ බවට සැකකෙරෙන ඇටසැකිලි මේතාක් හමුවූ සිරුරු 38 අතර වන බව විමර්ශකයෝ පවසති.
වින්දිතයන් වෙනුවෙන් පෙනී සිටින නීතිඥ රනිතා ඥානරාජා ජුලි 02 වැනිදා හවස පළාත් බද මාධ්‍යවේදීන් සමග පවසා තිබුනේ මේ වන විට යාපනයේ සිත්තුපාත්ති සමූහ සුසානයෙන් මිනිස් ඇටසැකිලි 30ක් ගොඩගෙන ඇති අතර තවත් සිරුරු හතරක් පාර්ශවීය වශයෙන් පාදාගෙන සිරුරු හතරක් පාදාගනීම සඳහා ලකුණු කර ඇති බවයි.
තෙවැනි අදියරේ කැනීම් කටයුතු අට වැනි දිනයත් මේ වන විට සිදු කෙරෙමින් පවති.
අහම්බෙන් ඇටසැකිලි මතුවූ චෙම්මනි සිත්තුපාත්ති සුසාන භුමියේ කැනීම් වෝහාරික පුරාවිද්‍යාඥ මහාචාර්ය රාජ් සෝමදේව සහ යාපනය අධිකරණ වෛද්‍ය නිලධාරි සෙල්ලයියා ප්‍රනවන්ගේ මෙහෙයවීමෙන් කැනීම් ආරම්භ වුයේ මැයි 15 වැනිදායි.
මෙම පුවතට අදාල සබැඳි පුවත් :
චෙම්මනි සමූහ මිනීවලෙන් සෙල්ලම් බඩු සමග ළමා පාවහන් සොයාගනී
චෙම්මනි සමූහ මිනීවලෙන් මිනිස් සිරුරු 33ක් ගැන ඉඟි
චෙම්මනි සමූහ මිනීවලෙන් අලුතින් මතු වුනේ පාසල් බෑග් එකක්ද?
චෙම්මනි ගැන රජයේ තීන්දුව: එජා මහකොමසාරිස් නිරීක්ෂණය ‘ගේට්ටුවෙන් එළියේ සිට’
තවත් ළමා ඇටසැකිල්ලක් චෙම්මනි සමූහ සුසානයෙන් සොයාගනී
චෙම්මනි සමූහ මිනීවලට ජාත්‍යන්තර මැදිහත්වීමක අවශ්‍යතාව UN පිළිගනී
චෙම්මනි සිද්ධුපත්ති සමූහ සුසානයේ විමර්ශන විද්‍යාත්මකව සිදුකිරීමට ආණ්ඩුව සහාය දිය යුත්තේ ඇයි?
දිවයිනේ දැවැන්තම සමූහ මිනීවල වසාදැමීම මහාධිකරණය විසින් අත්හිටුවයි
ලොකුම සමූහ මිනීවලෙන් ගොඩගත් ඇටකටු පෙට්ටි 80ක් වැඩිදුර විශ්ලේෂණයට
ලංකාවේ හමුවූ විශාලතම සමූහ මිනීවලේ විමර්ශන වාර්තාවේ මූලික කටයුතු ඇරඹේ
ලංකාවේ ලොකුම සමූහ මිනීවල ගැන උසාවිය විමර්ශන වාර්තාවක් ඉල්ලයි
අලුත්ම සමූහ මිනීවලේ කැනීම් සඳහා ජාත්‍යන්තර මැදිහත්වීමක් ඉල්ලයි