ද තානාපතිවරුන් ලෙස පත්කිරීමට ජනපති ගෝඨාභය රාජපක්ෂගේ අවධානය යොමුව ඇතැයි ආණ්ඩුවේ අභ්‍යන්තර ආරංචිමාර්ග පවසයි.
ඒ අනුව ජනාධිපති ප්‍රධාන උපදේශක ලලිත් වීරතුංග ඕස්ට්‍රේලියාවේ ශ්‍රී ලංකා තානාපති ධුරයට පත්කිරීමට ආණ්ඩුවේ බලධාරීන්ගේ අවධානය යොමුව ඇතැයි වාර්තාවේ.
ජ්‍යෙෂ්ඨ පරිපාලන නිලධාරියකු වන ලලිත් වීරතුංග මහින්ද රාජපක්ෂ ජනාධිපතිව සිටියදී ජනාධිපති ලේකම් ලෙස කටයුතු කළේය.
විදේශ දූත සේවාවන්හි යෙදී සිටියදී වයස හැට සම්පූර්ණ වූ රාජ්‍යතාන්ත්‍රිකයන් සියලු දෙනා යළි සියරට කැඳවීමට ජනාධිපති ගෝඨාභය රාජපක්ෂ මිට ඉහත දී තීරණය කොට තිබිණ.
කෙසේවුවද එම තීන්දුව මේවනවිට හකුලාගෙන ඇති ජනාධිපතිවරයා සිය පවුලේ වැඩිහිටි ඥාතීන් කිහිප දෙනෙකු ද ඇමරිකාව ඇතුළු රටවල් කිහිපයක ශ්‍රී ලංකා කොන්සල් ජනරාල් කාර්යාලය ප්‍රධානින් ලෙස පත්කිරීමට තීරණය කර ඇතැයි වාර්තාවේ.
ඕස්ට්‍රේලියාවේ ශ්‍රී ලංකා තානාපති ධූරය භාරගන්නා ලෙස ජනාධිපති ගෝඨාභය රාජපක්ෂ විසින් හිටපු අගවිනිසුරු සරන් එන් සිල්වාගෙන් මීට ඉහත දී කරන ලද ඉල්ලීමක් ඔහු විසින් ප්‍රතික්ෂේප කර තිබූ බව ද වාර්තා වේ.
සබැඳි පුවත්
යළි කැඳවන හැට පිරුණු රාජ්‍යතාන්ත්‍රිකයන් වෙනුවට 'අසූ වියැති තරුණයින්' තානාපති සේවයට