මිය ගිය පුද්ගලයන් වෙනුවෙන් අපේ අනාගත පරම්පරාවේ ආරක්ෂාව බිලිදෙනවාද
කියා අප තීරණය කල යුතු බව ජයවර්ධනපුර විශ්ව විද්යාලයේ, ව්යවහාරික පීඨයේ මහාචාර්ය මෙත්තිකා විදානගේ කියා සිටියි.
කොවිඩ් 19 ආසාදිත දේහයන් භූමදානය කිරීම පිලිබදව සොයා බලන ඇගයුම් කමිටුවේ සාමාජිකාවක් වන ඇය පවසන්නේ, කොවිඩ් 19 ආසාදිත දේහයන් භූමදානය කිරීම වැරදි කටයුත්තක් බවයි.
දේශපාලන,සාමාජීය හෝ ආගමික හේතූන් මත එවැනි තීරණයකට පැමිනීම වැරදි කටයුත්තක් බව ද ඇය කියා සිටියි.
මහාචාර්ය මෙත්තිකා විදානගේ එබව අවධාරණය කර ඇත්තේ, මාධ්යවේදී චමුදිත සමරවික්රම සමග පැවති සම්මුඛ සාකච්ජාවකදීය.
''තාක්ෂණ ඇගයුම් කමිටුවේ වාර්තාවා දී තිබෙනවා. එයට අනුව දේහයන් භූමදානය කිරීම වැරදි කටයුත්තක් බව සමස්ත කමිටුවම ප්රකාශ කර අවසන්.
ශ්රීලංකාවේ ජල මූලාශ්රයන් බහුලව තියනවා. එසේ භූමදාන කලහොත් වෛරසය අපේ ගංගා, ඇලදොල, ලිං වලට එක්වීම වැලැක්විය නොහැකියි.
මිය ගිය පුද්ගලයෙකුගේ 1kg ක අපවිත්ර ජලය ලීටරයක් තියනවා, ඒ නිසා තමයි ලගම ආදාහනාගාරයක ඉහල උෂ්ණත්වයකදී කිසිම පුද්ගලයෙකු සහබාගී නොකර දේහයන් ආදාහනය කරන්නේ.
ඒ නිසයි අපි කොරෝනා දේහයන් භූමදානය නොකරන ලෙස කියන්නේ'' යයි ද ඇය එම සාකච්ජාවේ දී කියා සිටියාය.
කොවිඩ් 19 ආසාදිත දේහයන් භූමදානය කිරීම පිලිබදව සොයා බලන ඇගයුම් කමිටුවේ සාමාජිකා මහාචාර්ය මෙත්තිකා විදානගේ ඉහත කාරණය අවධාරණය කර ඇත්තේ කොරෝනාවෙන් මිය යන මුස්ලිම් ජාතිකයන් භූමදානයට සුදුසු භූමියක් සොයන්නැයි ජනපතිගෙන් උපදෙස් දී ඇතැයි
'ඩේලි මිරර්' පුවත්පත වාර්තා කර තිබෙන මොහොතකය.
කොරෝනා ආසාදනයෙන් මරණයට පත්වන මුස්ලිම් ජාතිකයන්ගේ දේහයන් භූමදානය කිරීම සඳහා රටේ වියළි කලාපයේ පිහිටි භූමියක් ගැන සොයා බලන ලෙස ජනාධිපති ගෝඨාභය රාජපක්ෂ සෞඛ්ය බලධාරීන්ට උපදෙස් දුන් බව එම පුවත් වාර්තාවේ සඳහන් වේ.
පෙරේදා පැවති කැබිනට් රැස්වීමේදී මේ පිළිබඳව සාකච්ඡා කළ බව ද එම පුවත් වාර්තාවේ දැක්වෙයි.
මේ වන විට ලොව සෙසු රටවල් කොරෝනා ආසාදිත මරණ සම්බන්ධයෙන් සිදුකරන අවමංගල කටයුතු ගැන එහිදී සාකච්ඡා කර ඇත.
ඒ අනුව කොරෝනා ආසාදිතයෙන් මියයන මුස්ලිම් ජාතිකයන් භූමදානය කිරීම සඳහා සුදුසු ඉඩම් ලබාදීමට සෞඛ්ය බලධාරීන්ගේ අවධානය යොමු කරනු ඇති බවත් ඒ සම්බන්ධයෙන් සෞඛ්ය බලධාරීන් සහ මුස්ලිම් ආගමික නායකයන් අතර සාකච්ඡා සිදුවී ඇති බවත් එම වාර්තාවේ තවදුරටත් දැක්වේ.
මේ වන විට රටවල් 189ක කොරෝනා වැළඳීමෙන් මියැදෙන පුද්ගලයන් ගේ සිරුරු භූමදානයට අවසර දී ඇත.
''ජාතිවාදී ජනතාවාදය කෙටි කාලීන ය: ට්රම්ප්ගෙන් අසා දැනගන්න.'' - මංගල
කොරෝනා වෛරසය ආසාදනය වීමෙන් මිය යන ඉස්ලාම් බැතිමතුන්ගේ සිරුරු භුමදානය කිරීමට ජාත්යන්තර ප්රමිති නොතකා රජය විසින් පනවා තිබූ තහංචිය ඉවත් කොට ඇති බවට කෙරෙන ප්රචාර සම්බන්ධයෙන් ප්රතිචාර සම්බන්ධයෙන් අදහස් දක්වමින් හිටපු අමාත්ය මංගල සමරවීර සිය ෆේස්බුක් පිටුවේ මෙවැනි සටහනක් පළකර ඇත.
'ජනාධිපතිවරණය සහ මහ මැතිවරණයට ආසන්නව
මුස්ලිම් විරෝධී උමතුවක් ඇති කල
‘තනි සිංහල’ රෙජීමය,
කොරෝනා වෛරසය ආශ්රිත මරණ භූමදානය කිරීමේදී
සෞඛ්ය අවදානමක් නොමැති බව ප්රමාද වී හෝ දැන් පිළිගෙන ඇත.
ජාතිවාදී ජනතාවාදය කෙටි කාලීන ය:
ට්රම්ප්ගෙන් අසා දැනගන්න.''
සබැඳි පුවත් :