සීනි ආනයනය කිරීමට රජය තීරණය කර ඇති බව වාර්තා වේ.
සීනි ආනයනය කිරීමේදී රජය මගින් තීරු බදු සහනයක් ලබාදී සීනි රුපියල් 80ට අලෙවි කරන ලෙස නියම කරමින් ගැසට් පිට ගැසට් ගැහුවද සීනි ආනයනකරුවන් තොග වශයෙන් සීනි අලෙවි කිරීමේ දී කිලෝග්‍රෑමයක් රුපියල් 110කට ලබා දීම නිසා පිටකොටුව ප්‍රදේශයේ තොග වෙළෙන්දන් සීනි මිලදී ගැනීම අත්හිටුවා ඇත.
මේ නිසා සීනි හිඟයක් ඇති වීමේ අවදානමක්ද මතුව තිබේ.
එසේම සාමන්‍ය වෙළෙඳපොළේ සීනි කිලෝවක මිල රුපියල් 150 දක්වා වූ විවිධ මිල ගණන් යටතේ අලෙවි කෙරෙමින් පවතියි. 
මේ නිසා එයට විසදුමක් ලෙස රාජ්‍ය වානිජ නීතිගත සංස්ථාව මගින් ඉදිරියේ දී සීනි ආනයනය කිරීමට වෙළෙඳ අමාත්‍යාංශය සාකච්ඡා කර තිබේ.
රජය පසුගිය ඔක්තෝම්බර් 14වනදා සිට සීනි සඳහා පනවා තිබූ ආනයනික බදු ඉවත් ශත 25 දක්වා අඩු කිරීමේ වාසිය ජනතාවට නොලැබුණු නමුත් එහි වාසිය ලැබී තිබුණේ සමාගම් කිහිපයකට පමණි.
රජය පසුගිය ඔක්තෝම්බර් 14වනදා සිට සීනි සඳහා පනවා තිබූ ආනයනික බදු ඉවත් ශත 25 දක්වා අඩු කිරීමේ වාසිය ජනතාවට නොලැබුණු නමුත් එහි වාසිය ලැබී තිබුණේ සමාගම් කිහිපයකට පමණි.
තීරු බදු සහනය ලබාදීම හරහා රජයට අහිමි වූ තීරු බද්ද අවම වශයෙන් කෝටි 700 කට ආසන්න මුදලක් බව මාධ්‍ය වාර්තා කර තිබේ.
සීනි මිළ අඩු කිරීම සම්බන්ධ තීරණයේදී රජය ක්‍රියා කර ඇත්තේ කිසිදු විනිවිදභාවයකින් නොවන බවත් තම හිතවත් ව්‍යාපාරික ගජ මිතුරන් පිනවීම සඳහා බවත් ආර්ථික විශේෂඥයන්ගේ අදහස වී තිබේ.
(lankaviews.com - Sithara Sajeewani)
සබැඳි පුවත් :
