ක්‍රිෂාන්තගේ වීඩියෝව වැඩකරයි !- පාසල් රැසක වැසිකිලි නැතිබව ඇමති පිළිගනී 

මෙරට පාසල් දහස් ගණනක් වැසිකිලි පහසුකම් නොමැතිබව රාජ්‍ය අමාත්‍ය රොෂාන් රණසිංහ පවසයි.

 

යහපාලන ආණ්ඩුව පාසල් දරුවන්ට ටැබ් දෙන්න කතා කල කාලේ වැසිකිලි නැති පාසල්වල වැසිකිළි ටික හදා දුන්නා නම් කොච්චර හොඳ දැයි පළාත් සභා හා පළාත් පාලන කටයුතු රාජ්‍ය අමාත්‍ය රොෂාන් රණසිංහ කියා සිටියි. 

 

ඔහු එබව කියා සිටියේ, දිඹුලාගල වැලිකන්ද රුහුණුකෙත කනිෂ්ඨ විද්‍යාලයේ අඩුපාඩු සොයා බැලීම සඳහා පසුගියදා නිරීක්ෂණ චාරිකාවට එක් වෙමිනි. 

 

 

 

 

 

පොලොන්නරුව දිස්ත්‍රික්කයේ ජාතික පාසල් 9ට අමතරව පළාත් සභා පාසල් 244 ක් තිබෙනවා . දරුවන් 90000 වඩා අධ්‍යාපනය ලබන අතර ගුරුවරු 5000කට වඩා එහි සේවය කරන බවද එහිදී රාජ්‍ය අමාත්‍යවරයා පැවසීය.

 

කිසිම දිනක පාසල් නොගිය 15000කට ආසන්න පිරිසක් පොලොන්නරුව දිස්ත්‍රික්කයේ ජීවත්වන බවත් තාමත් පාසල් යා යුතු වයසේ සිටින එහෙත් පාසල් නොගිය දරුවන් 500කට වැඩි පිරිසක් නිවෙස්වලට වී සිටින බවද, රාජ්‍ය අමාත්‍යවරයා එහිදී කියා සිටියේය.

 

මෙම ගැටළු වලට අදාල වගකිවයුතු රජයේ නිලධාරීන් මැදිහත් වී කටයුතු කරනු ඇතැයි ද  එහිදී අමාත්‍යවරයා වැඩිදුරටත් පැවසීය.

 

 

 

 

පාසල් තුල වැකිසිලි පහසුකම් නොමැතිවීම සම්බන්ධයෙන් කරුණු පැහැදිලි කරමින් සමාජ හා දේශපාලන ක්‍රියාකාරිකයකු වන ක්‍රිෂාන්ත ප්‍රසාද් කුරේ ද පසුගිය ද සමාජ මාධ්‍ය වෙත වීඩියෝවක් මුදාහැර තිබු අතර අනතුරුව ප්‍රකට ව්‍යාපාරිකයින් කිහිප දෙනෙකුම ඒ සම්බන්ධයෙන් අනුග්‍රහය දැක්වීමට අධ්‍යාපන අමාත්‍යංශයෙන් තොරතුරු විමසා තිබිණ.