ක්‍රිස්ටිආනෝ රොනාල්ඩෝ ඔහුගේ කීර්තිමත් ක්‍රීඩා දිවියේ ගෝල 1,000ක් වාර්තා කිරීම නියතයක් වන ලකුණු දැන් පහළව තිබෙනවා.
සෞදි අරාබි වෘත්තීය ලීගයේ අල්-කොලූඩ් කණ්ඩායමට එරෙහිව පැවති තරගයේ මිනිත්තු 15ක් ඇතුළත ගෝලතුනක් (හැට්-ට්‍රික්) ලබා ගනිමින් රොනාල්ඩෝ ඔහුගේ අල්- නස්ර් කණ්ඩායම ගෝල 5-3ක ජයග්‍රහණයක් කරා මෙහෙයවූයේ ඔහුගේ ක්‍රීඩා දිවියේ ගෝල එකතුව 985 දක්වා ඉහළට ගෙන එමින්.
මෙසීට වඩා ගෝල 49ක් ඉදිරියෙන්
රොනාල්ඩෝ මේ තරගයේ 66, 72 හා 81 වැනි මිනිත්තුවලදී ගෝල ලබා ගනිමින් සිය කණ්ඩායමේ ජයග්‍රහණය තහවුරු කළේ ඔහුගේ ගෝල දහසේ ඉලක්කයට තවත් ගෝල 15ක් පමණක් අඩුවෙන් සිටිමින්.
දෙවැනි ස්ථානයේ පසුවන ලියොනල් මෙසීගේ ගෝල 936 ට වඩා ගෝල 49ක් ඉදිරියෙන් සිටිමින් පාපන්දු ඉතිහාසයේ වැඩිම ගෝල්ලාභියා බවට පත්ව සිටින රොනාල්ඩෝ මේ තරග වාරයේ අල්-නස්ර් කණ්ඩායම හා පෘතුගාල ජාතික කණ්ඩායම නියෝජනය කරන තරගවලදි ඔහුගේ ගෝල සංඛ්‍යාව තවත් වැඩි කර ගැනීමට බොහෝ දුරට ඉඩ තිබෙනවා.
‘හැට්-ට්‍රික්’ 67ක්
අල්-කොලූඩ් ට එරෙහි තරගයේදී රොනාල්ඩෝ දැලට ආසන්නව සිට ගෝල දෙකක් ද, ඒ අතරමැද හිසෙන් පන්දුව දැල තුළට යවමින් ඔහුගේ තෙවැනි ගෝලය ද ලබා ගත්තේ 2023 වසරේදී සෙෘදි අරාබිය ට පැමිණීමෙන් පසුව අල්-නස්ර් කණ්ඩායම වෙනුවෙන් ඔහුගේ හත් වැනි ‘හැට්-ට්‍රික්’ ගෝල ලබා ගැනීම සටහන් කරමින්.
රොනාල්ඩෝ දැන් ඔහුගේ ක්‍රීඩා දිවියේදී ක්‍රීඩා සමාජ හා රට වෙනුවෙන් ‘හැට්-ට්‍රික්’ හපන්කම් 67ක් වාර්තා කර තිබෙනවා. ඒ රේආල් මෙඩ්රීඩ් වෙනුවෙන් 44ක්, පෘතුගාලය වෙනුවෙන් 10ක්, අල්-නස්ර් වෙනුවෙන් 7ක්, මැන්චෙස්ටර් යුනයිටඩ් වෙනුවෙන් 3ක් සහ යූවෙන්චස් වෙනුවෙන් 3ක් වශයෙන්.
