පවත්වන්නැයි සජිත් පාර්ශවය මිට ඉහත දී එම පක්ෂයේ නායක අගමැති, රනිල් වික්‍රමසිංහ ගෙන් ලිඛිත ඉල්ලීමක් කර තිබු අතර කරු පාර්ශවය ද අද (18) එවැනි ඉල්ලීමක් කිරීමේ 
සුදානමකින් සිටින බව එහි අභ්‍යන්තර ආරංචි මාර්ග පවසයි.
කෘත්‍යාධිකාරී මණ්ඩලය හා මන්ත්‍රී කණ්ඩායම කැඳවා රහස් ඡන්දයක් පවත්වන්නැයි සජිත් පාර්ශවය ඉල්ලා සිටිය ද අගමැතිවරයාගේ උපදෙස් අනුව යමින්, කරු ජයසුරිය පාර්ශවය පවසන්නේ අපේක්ෂකයා තේරීමේ බලය ඇත්තේ කෘත්‍යාධිකාරී මණ්ඩලයට බැවින් මේ සඳහා මන්ත්‍රී කණ්ඩායම කැඳවීමේ අවශ්‍යතාවයක් නොමැති බවයි. රවී කරුණානායක හා රාජිත සේනාරත්න යන කරු පාර්ශවයේ ප්‍රධානින් දෙදෙනා එම ස්ථාවරයේ දැඩිව ලෙස සිටින බවද පැවසේ.
ඊයේ පාර්ලිමේන්තුවේ පැවති පක්ෂ නායක රැස්වීමෙන් අනතුරුව ශ්‍රීලනිප ජ්‍යෙෂ්ඨ මන්ත්‍රීවරයකු සභානායක ලක්ෂ්මන් කිරිඇල්ල ගෙන් එජාප ජනාධිපති අපේක්ෂක අර්බුදය සම්බන්ධයෙන් කළ විමසීමේදී අමාත්‍යවරයා සඳහන් කර ඇත්තේ, අද හෙටම පක්ෂයේ කෘත්‍යාධිකාරී මණ්ඩලය කැඳවා අපේක්ෂකයා තෝරා ගන්නා බවයි. එහිදී ඡන්දයෙන් පැවැත්වීමට සිදුවුවහොත් කතානායකවරයා අනිවාර්යයෙන් දිනන බව ද ඇමතිවරයා අවධාරණය කර තිබේ.
එජාප නායකයාගේ ආශිර්වාදය මත ජනාධිපති අපේක්ෂකයා ලෙස ඉදිරිපත්වීමේ සුදානමින් සිටින කතානායක කරු ජයසුරිය මේවනවිට පවසන්නේ, බහුතරයේ එකඟතාවය මත ජනාධිපති අපේක්ෂකයා ලෙස ඉදිරිපත්වීමට තමා සුදානම් බවයි. එහෙත් මිට ඉහත දී ඔහු දිගින් දිගටම පවසා සිටියේ, පක්ෂයේ සියලු දෙනාගේ එකඟතාවය හිමිවන්නේ නම් පමණක් තමා ජනාධිපති අපේක්ෂකයා ලෙස ඉදිරිපත්වීමට සුදානම් බවයි.
කෘත්‍යාධිකාරී මණ්ඩලයේ බහුතරය ?
එජාප කෘත්‍යාධිකාරී මණ්ඩලය 90කට වැඩි සාමාජික සංඛ්‍යාවකින් සමන්විත විය යුතු වුවද මේවනවිට ඊට පත්ව ඇත්තේ 63දෙනෙකු පමණි. ඉන් තුනෙන් දෙකකට වැඩි පිරිසක් මෙවවිට සජිත් ප්‍රේමදාස ජනාධිපති අපේක්ෂකයා කිරීමට ප්‍රසිද්ධියේම සහය පළකර තිබේ.
එම තත්වය තුල පක්ෂ නායකයා ලෙස අගමැති රනිල් වික්‍රමසිංහට එම පක්ෂයේ ව්‍යවස්ථාවෙන් පැවරී ඇති බලතල යටතේ කෘත්‍යාධිකාරී මණ්ඩලයට වහාම තමන්ට හිතවත් 30 දෙනෙකු නම් කිරීමට කටයුතු කරමින් සිටින බවට theleader.lk වෙත වාර්තාවේ.
චම්පික කියපු කතාව !
මේ අතර මහානගර හා බස්නාහිර සංවර්ධන අමාත්‍ය පාඨලී චම්පික රණවක පවසන්නේ, එක්සත් ජාතික පෙරමුණ නියෝජනය කරන පාර්ලිමේන්තු මන්ත්‍රීවරුන් 106 දෙනාගේ වැඩි ඡන්දයෙන් ඉදිරි ජනාධිපතිවරණය සඳහා අපේක්ෂකයා තෝරාගැනීම වහාම සිදුකළ යුතු බවයි.
අමාත්‍යවරයා මේ පිළිබඳ අවධාරණය කර සිටියේ පෙරේදා (16) පෙරවරුවේ කොළඹදී පැවැති මාධ්‍ය හමුවක් අමතමිනි.
සබැඳි පුවත් :
ප්‍රජාතන්ත්‍රවාදයට මුල්තැන - එජාපෙ අපේක්ෂකයා ඡන්දයකින්! (Video)