චීනයේ බීජිං නුවර සිට ශ්‍රී ලංකන් ගුවන් සේවයේ යූ.එල් 869 දරණ ගුවන් යානයෙන් එම එන්නත් මාත්‍රා තොගය දිවයිනට රැගෙනවිත් ඇති බව ගුවන්තොටුපොළ වාර්තාකරු සඳහන් කළේය.
මෙම එන්නත් තොගය මෙරටින් මුදල් ගෙවා ලබාගත් සිව්වන එන්නත් මාත්‍රා තොගය වෙයි.
සිනොෆාම් එන්නතක් ශ්‍රී ලංකාවට ඩොලර් 15ට ලබා දෙද්දී එම එන්නතම බංග්ලාදේශයට ඩොලර් 10ට ලබාදීම ගැන මිට ඉහත දී මාධ්‍ය වාර්තා කර තිබුණි.
ආණ්ඩුව ඇතුළෙන්ම පැමිණිලි :
මේ අතර සිනෝවැක් එන්නත මෙරට තුළ අවසන් නිෂ්පාදනයක් ලෙස එලිදැක්වීම චීන සමාගමක් ගත් උත්සාහය මේවනවිට අඩපනවී ඇතැයි ආණ්ඩුවේ ආරංචිමාර්ග පවසයි.
මහනුවර කුණ්ඩසාල ප්‍රදේශයේ ස්ථාපිත කෙරෙන මෙම කර්මාන්ත ශාලාවේ මූලික තාක්ෂණික කටයුතු සති කිහිපයකින් අවසන් කිරීමට අපේක්ෂා කලද ඒ සම්බන්ධයෙන් එම චීන සමගම ඉදිරිපත්කර තිබු කොන්දේසි හා ඉහල මිල ගණන් හා එම එන්නතේ ගුණාත්මක බව අවමවීම සැලකිල්ලට ගනිමින් එකී නිෂ්පාදන කටයුතු සඳහා අනුමැතිය නොදීමට බලධාරීන් නියෝගකර ඇතැයි පැවසේ.
එසේ, ශ්‍රී ලංකාවට විකිණීමට නියමිත සිනොවැක් එන්නතක මිල හෙළිදරව් කළ හොත් සාම ගිවිසුම අවලංගු කරන බව එන්නත නිපදවන චීන සමාගම දන්වා තිබිණ.
චීනයේ Sinovac Lifesciences Co.Ltd ආයතනය සහ ශ්‍රී ලංකාවේ ලියාපදිංචි Kelun Lifesciences Pvt Ltd චීන සමගම අතර ඇති කර ගත් අවබෝධතා ගිවිසුමට මෙම කොන්දේසි ඇතුළත් කර ඇත. ඒ අනුව එන්නතක මිල පිළිබඳව ප්‍රසිද්ධ කිරීම හෝ ප්‍රසිද්ධියේ කතා කිරීම ගිවිසුම අවසන් කිරීමට හේතුවනු ඇත.
කෙසේවුවද මෙම එන්නත් ජාවාරම සම්බන්ධයෙන් ලැබී ඇති පැමිණි පිළිබඳව රාජ්‍ය ඖෂධ නීතිගත සංස්ථාවේ (SPC) බලධාරීන් විසින් ජනාධිපතිවරයා දැනුවත්කර කර ඇතැයි ද වාර්තාවේ.
ඒ අනුව, සිනෝවැක් එන්නත ගෙන්වීමේ හා චීනයේ නිපදවන එම එන්නත මහනුවර පල්ලෙකැලේ පිහිටි Kelun Lifesciences කර්මාන්ත ශාලාවේ දී පිරවීම හා ඇසිරීම තාවකාලිකව අත්හිටුවා ඇත.
එසේම, තවත් සයිනොෆාම් එන්නත් තොගයක් ගෙන්වීම සඳහා ඇමරිකානු ඩොලර් මිලියන 2ක ණයවර ලිපි විවෘත කර ඇතැයි සෞඛ්‍ය අමාත්‍යංශ ආරංචිමාර්ග පවසයි.
සබැඳි පුවත්