එය සති හයක් තුළ ඇය විසින් සිදු කෙරෙන දෙවන රුසියානු සංචාරයයි.
යුක්‍රේනයට එරෙහි රුසියානු යුද්ධයට, උතුරු කොරියානු හමුදා එක්ව ඇති බවට යුක්‍රේනය සහ දකුණු කොරියාව චෝදනා කරති.
එම චෝදනා උත්සන්න ව ඇති අවස්ථාවක, විදේශ අමාත්‍යවරිය ඇතුළු දූත පිරිස කුමක් අරභයා රුසියානු සංචාරයේ නිරත වන්නේද යන්න මෙතෙක් අනාවරණය වී නොමැත.
උතුරු කොරියානු විදේශ අමාත්‍ය චෝ සොං හුයි ( Choe Son Hui)
ඉකුත් ජුනි මස පැවති සමුළුවකදී එළැඹි, ද්වීපාර්ශ්වීය සහයෝගිතා තර කිරීම පිණිස, මෙම සංචාරය සිදු කෙරෙන බව පමණක් ප්‍රකාශයට පත් කර තිබේ.
රුසියාව සහ උතුරු කොරියාව අතර මෙම "නීති විරෝධී" හමුදා ගනුදෙනු ජාත්‍යන්තර ප්‍රජාව කෙරෙහි දැඩි අවදානමක් එල්ල කරන බව දකුණු කොරියානු ජනපති යූන් සුක් යියොල් (Yoon Suk Yeol) කැබිනට් රස්වීමකදී පැවසීය.
එම අනතුර මනාව කළමනාකරණය පිණිස සියලු දෙනාගේ මැදිහත්වීම අවශ්‍ය බව ඔහු එහිදී අවධාරණය කළේය.
යුක්‍රේනයට එරෙහි රුසියානු සටනේදී, උතුරු කොරියා හමුදා රුසියාවට සහාය පිණිස යුක්‍රේනයට ඒවා ඇතැයි, ඇමෙරිකාව සහ යුක්‍රේනය සහතික කොට කියා සිටිති.
එහිදී, උතුරු කොරියා හමුදාවන්ට එරෙහිව යුක්‍රේන හමුදා, ඇමෙරිකාවේ අවි භාවිතා කිරීම ට විරුද්ධත්වයක් නොමැති බව පෙන්ටගනය ඊයේ (28) පැවසීය.
යුද පුහුණුව පිණිස උතුරු කොරියා හමුදා භටයින් 10,000ක් පෙරදිග රුසියාවට යවා ඇතැයි පෙන්ටගනය ප්‍රකාශ කරයි.
(The Guardian ඇසුරින් සටහන; හ ර් ෂ උදයකාන්ත විසිනි)