ඇතැම්විට එය මෙම පුවත්පතේ සංස්කාරක පිරිමින්ගේ ප්‍රශ්නයක් සම්බන්ධයෙන් ප්‍රතිචාරයක් විය හැකිය. එය ප්‍රශ්න නොකර පිළිගන්නා අයද ඒ හා සමාන ප්‍රශ්න තිබෙන අය විය හැකිය. එහෙත්, එය පොදු ප්‍රශ්නයක් නොවන බවට මෙම වාර්තාවම සාක්ෂියකි.
අරුණ පුවත්පතේ වාර්තාව
වේල්ලවීදියේ මළ කඳ තම බිරින්දෑවරුන්ගේදැයි දැන ගන්න ඇමැතුම් 200ක් යන සිරස්තලය සහිතව අරුණ වෙබ් අඩවියේ පළ වූ වාර්තාවේම දැක්වෙන පරිදි, “පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පෙරේදා (2 වැනිදා) මෙම සිරුර ගැන තොරතුරක් ඇත්නම් දන්වන්නැයි මාධ්‍ය ඔස්සේ කළ ප්‍රචාරයෙන් පසු මෙම ඇමැතුම් ගලාවිත් ඇත.”
එම ඇමතුම් දුන් අය “පැනගිය දියණියන් හා බිරින්දෑවරුන්ගේ සිරුරුදැයි තහවුරු කරගැනීමට විවිධ පුද්ගලයන් මෙම දුරකථන ඇමැතුම් ලබාදී තිබේ,” යි එම වාර්තාවේ සඳහන් වේ.
ඒ අනුව 2දා ලැබුණු ඇමතුම් 200ම මළසිරුර තම බිරින්දෑගේදැයි දැනගැනීමට දුන් ඇමතුම් යයි කීම පට්ටපල් බොරුවකි.
මෙවැනි බාල ජනමාධ්‍ය වැඩ නිසා පොලිසියට මළසිරුර හඳුනාගැනීම සඳහා සහාය පිණිස තොරතුරු දැනුම් දුන් පුද්ගලයන්ට පවා අපහාසයක් සිදුවේ.
එම ප්‍රවෘත්තිය ඉන්පසු රූපවාහිනියේ කියවන්නේ සිරස්තලය පමණක් කැපීපෙනෙන අන්දමින් ප්‍රදර්ශනය කරමිනි.
ඉන් අනතුරුව සමාජ මාධ්‍යවල ඒ ගැන සංවාද ගොඩනැගෙන්නේ ඉහත මුල් රූපයේ දැක්වෙන අන්දමිනි.
කපුටු පිහාට්ටක් උඩ තිබූ වමනෙ ගොඩක් අවසානයේදී මිනිහකු කපුටන් හත්දෙනෙකු වමනය කළායැයි කතාවක් ගෙතෙන්නට හේතු වූ අන්දම පිළිබඳ කතාව මතකද?
(praja.lk)
වී ගොවින්ට තර්ජනය කරලා ආණ්ඩුවේ බැරිකම වහගන්න බෑ
ගෝඨාභය නෙමෙයි, රට පාලනය කරන්නෙ, බල කේන්ද්‍ර තුනක්! - නිශාන්ත හෙළිකරයි