මෙම ඝාතනයත් සමග ගාසා තීරය මුල්කොට පවතින ලෙබනනය ඇතුළු සමස්ත මැද පෙරදිග කලාපයේම යුද උණුසුම තව දුරටත් වර්ධනය වනු ඇතැයි බිය පල කෙරේ.
ඉරානයේ නව ජනාධිපතිවරයාගේ දිවුරුම් දීමට සහභාගී වී පැය කීපයක් ගතවීමටත් මත්තෙන්, මෙම ඝාතනය කර තිබේ. ඊශ්‍රායලය මෙතෙක් ඒ පිලිබඳ කිසිදු ප්‍රකාශයක් නිකුත් කර නැත.
එක්සත් ජනපද ආරක්ෂක ලේකම්, ලොයිඩ් ඔස්ටින් මේ අතර, එක්සත් ජනපද රජය, ගාසා තීරයේ සහ අවට කලාපයේ යුද උණුසුම සමනය කිරීමට යුහුසුළු වන බවත්, යම් හෙයකින්, ඊශ්‍රායලයට පහර දුනහොත් ඊශ්‍රායලයේ ආරක්ෂාව උදෙසා අවශ්‍ය පියවර ගැනීමට පසුබට නොවන බවත් එක්සත් ජනපද ආරක්ෂක ලේකම්, ලොයිඩ් ඔස්ටින් (Lloyd Austin) ප්‍රකාශ කරයි.
ඊශ්‍රායලය විසින් හිස්බුල්ලා හමුදා ප්‍රධානී ඝාතනය කර පැය 24ක් ඉක්ම යාමට පෙරාතුව හමාස් නායකයා ඉරානයේදී ඝාතනය විය.
මෙම නව ඝාතනයත් සමග සිය ප්‍රහාර තව දුරටත් දැඩි කරන බවත්, ගාසාහි බලය තහවුරු කර සිටි තම සංවිධානය, අනිවාර්යයෙන් ජයග්‍රහණය කරන බවත්, ජ්‍යෙෂ්ඨ හමාස් ප්‍රධානියකු වන සමී අබු සුහ්රී (Sami Abu Zuhri) රොයිටර්ස් (Reuters) පුවත් සේවයට ප්‍රකාශ කර තිබේ.
ඉරානයේ සමීප හිතවතකු වූ හමාස් නායකයාගේ ඝාතනයත් සමග ඊට සිය ප්‍රතිචාර දැක්වීමට ඉරානය සූදානම් වෙමින් සිටී. එරට ඉහල පෙළ ආරක්ෂක මණ්ඩලයේ හමුවක් අද දින පැවැත්වීමට නියමිතය.
මෙම නව ඝාතනයත් සමග සිය ප්‍රහාර තව දුරටත් දැඩි කරන බවත්, ගාසාහි බලය තහවුරු කර සිටි තම සංවිධානය, අනිවාර්යයෙන් ජයග්‍රහණය කරන බවත්, ජ්‍යෙෂ්ඨ හමාස් ප්‍රධානියකු වන සමී අබු සුහ්රී (Sami Abu Zuhri) රොයිටර්ස් (Reuters) පුවත් සේවයට ප්‍රකාශ කර තිබේ.
ඉරානයේ සමීප හිතවතකු වූ හමාස් නායකයාගේ ඝාතනයත් සමග ඊට සිය ප්‍රතිචාර දැක්වීමට ඉරානය සූදානම් වෙමින් සිටී. එරට ඉහල පෙළ ආරක්ෂක මණ්ඩලයේ හමුවක් අද දින පැවැත්වීමට නියමිතය.
පලස්තීන නායක මහම්මුද් අබ්බාස් (Mahmoud Abbas) මෙම ඝාතනය හෙලා දැක තිබේ. ඝාතනයට ලක් වූ හමාස් ප්‍රධානී 'හනියේ', කටාර් රාජ්‍යයේ වාසය කළේය. මීට ප්‍රථම, ඊශ්‍රායල ගුවන් ප්‍රහාරවලින් ඔහුගේ පුත්‍රයින් තිදෙනකු ජීවිතක්ෂයට පත්විය. ජාත්‍යන්තර අපරාධ අධිකරණය විසින් යුද අපරාධ සම්බන්ධයෙන් ඔහුව අත්අඩංගුවට ගැනීමට වරෙන්තු නිකුත් කර තිබේ.
ඊශ්‍රායල අග්‍රාමාත්‍ය බෙන්ජමින් නෙතන්යාහුට (Benjamin Netanyahu) එරෙහිව ද එවැනිම ඉල්ලීමක්ත් ජාත්‍යන්තර අධිකරණය විසින් සිදු කර තිබේ.
ඝාතනයට ලක් වූ හමාස් නායකයා, 2017 දී එම තනතුරට පත් විය. ඊශ්‍රායලය විසින් ගාසා තීරයේ ප්‍රහාර දියත් කර දස මසක් ඇතුලතදී මෙම ඝාතනය සිදු කර තිබේ. මෙම ඝාතනයත් සමග සමස්ත මැද පෙරදිග කලාපයම යුද බියෙන් ඇලලී ගොස් ඇත.
ඝාතනයට ලක් වූ හමාස් නායකයා, 2017 දී එම තනතුරට පත් විය. ඊශ්‍රායලය විසින් ගාසා තීරයේ ප්‍රහාර දියත් කර දස මසක් ඇතුලතදී මෙම ඝාතනය සිදු කර තිබේ. මෙම ඝාතනයත් සමග සමස්ත මැද පෙරදිග කලාපයම යුද බියෙන් ඇලලී ගොස් ඇත.
ගාසා තීරයේ, ඊශ්‍රායල භූමි සහ ගුවන් ප්‍රහාරවලින් මේ වනවිට, පුද්ගලයින් 39,000 කට අධික පිරිසක් මියගොස් තවත් මිලියන 2කට අධික පිරිසක් අතිශය මානුෂීය අර්බුදයකට ගොදුරුව සිටිති.
(සටහන : හර්ෂ උදයකාන්ත )
(Reuters ඇසුරිණි)
මූලාශ්‍රය :
Hamas chief Ismail Haniyeh killed in Iran, Hamas says