ඒ අනුව, පසු ගිය මැයි 26 වන දින ගාසා තීරයේ බටහිර රෆා (Rafah) හි තාවකාලික කූඩාරම් මධ්‍යස්ථානයක රඳවා සිටි ළදරුවකු සහ කාන්තාවක ඇතුළු අවතැන් පලස්තීන ජාතිකයින් 36 දෙනකු ඝාතනය කිරීම සම්බන්ධයෙන් විශේෂ විමර්ශනයක් කැඳවා තිබේ.
ඊශ්‍රායල ගුවන් හමුදාවට අයත් යුද ගුවන් යානා මගින්, ඇමෙරිකාවේ නිෂ්පාදිත කිලෝ ග්‍රෑම් 113ක් බරැති බෝම්බ හෙළා මෙම මනුෂ්‍ය ඝාතන සිදු කර ඇත. GBU-39 වශයෙන් හැඳින්වෙන මෙම බෝම්බ පිපිරීමේදී එහි අඩංගු තියුණු ලෝහ කැබලි මීටර සිය ගණනක් දුරට විසිරීමෙන් මරණීය හානි සිදුකෙරෙයි. එම බෝම්බ ප්‍රහාර යුක්ති සහගත නොවන බව ඇම්නෙස්ටි සංවිධානය පවසයි.
මෙම බෝම්බ පිපිරීමේදී, එහි අඩංගු තියුණු ලෝහ කැබලි අධිවේගයෙන් විසිරීමෙන්, පිපිරුම් ලක්ෂ්‍යයේ සිට මීටර සිය ගණනක දුරින් සිටින සිවිල් වැසියන් පවා මරණයට පත්වන බව එම සංවිධානයේ පර්යේෂණ සහ උපදේශනය පිලිබඳ ජ්‍යෙෂ්ඨ අධ්‍යක්ෂ එරිකා ගුවේරා රෝසාස් (Erika Guevara-Rosas) ප්‍රකාශ කරයි.
ජාත්‍යන්තර මානුෂීය නීති ප්‍රකාරව, ප්‍රතිවාදීන්ට ප්‍රහාර එල්ල කිරීමේදී ඒ අවට සිටින සාමාන්‍ය සිවිල් වැසියන්ගේ ජීවිතාරක්ෂාව පිලිබඳ වගකීමෙන් ඊශ්‍රායල හමුදාවන්ට කිසිසේත් ගැලවිය නොහැකි බව ඇය පෙන්වාදෙයි.
(Aljazeera ඇසුරින් සටහන: හර්ෂ උදයකාන්ත)
මූලාශ්‍ර:
Israel’s war on Gaza live: UN halts aid as Israeli tanks near Deir el-Balah