වයිනෙට් (Ynet) පුවත් සේවය වාර්තා කරයි.
හමාස් භාරයේ පසුවන ඉතිරි ඊශ්‍රායල ප්‍රාණ ඇපකරුවන් නිදහස් කරගැනීම පිණිස වහා සටන් විරාමයකට යන ලෙස නෙතන්යාහු රජයට බල කරමින් එරට විශාලතම වෘත්තීය සමිතිය විසින් වැඩ වර්ජන ක්‍රියාත්මකය.
වැඩවර්ජනයේ නිරත සියලු සේවකයින්ගේ වැටුප් ගෙවීම් අත්හිටුවන බව ඊශ්‍රායල මුදල් ඇමති පවසයි.
ඊශ්‍රායලය පුරා දැවැන්ත වැඩ වර්ජනයක් දියත් කෙරේ
වැඩවර්ජන වහා නතර කරන ලෙස අධිකරණ තීන්දුවක් ද ඉල්ලා තිබේ. වැඩ වර්ජනයේ නිරත වන්නන් හමාස් නායකයාගේ අභිමතාර්ථ පිණිස කටයුතු කරමින් සිටින බව ඔහු චෝදනා කරයි.
හමාස් ග්‍රහණයේ පසුවන ඊශ්‍රායල ජාතිකයින්ගේ පවුල් සාමාජිකයින් පිරිසක් ද, වැඩවර්ජනය නතර කරන ලෙස ඉල්ලා අධිකරණය ඉදිරියේ පෙත්සමක් ගොනු කළහ. ඊශ්‍රායල වැඩ වර්ජනය, ඉතිරි ප්‍රාණ ඇප කරුවන්ගේ මරණ වරෙන්තුව අනුමත කිරීමක් බව ඔවුහු පවසති.
ප්‍රංශ ජනාධිපති එමානුවෙල් මැක්රන්
හමාස් සංවිධානය විසින් සිදු කළ ඊශ්‍රායල ප්‍රාණ ඇපකරුවන් ඝාතන අසා තමා දැඩි කම්පනයට පත්වූ බව ප්‍රංශ ජනාධිපති එමානුවෙල් මැක්රන් (Emmanuel Macron) එක්ස් (X) පණිවුඩයක් මගින් ප්‍රකාශ කර තිබේ.
මේ අතර, ගාසා තීරයේ වහා සටන් විරාමයකට යන ලෙස මැලේසියානු අග්‍රාමාත්‍ය අන්වර් ඊබ්‍රහිම් (Anwar Ibrahim) සහ නවසීලන්ත අග්‍රාමාත්‍ය ක්‍රිස් ලක්සන් (Chris Luxon) විසින්, ඒකාබද්ධ ප්‍රවෘත්ති සාකච්චාවකදී, ඊශ්‍රායල අගමැති බෙන්ජමින් නෙතන්යාහු (Benjamin Nethanyahu) වෙතින් විශේෂ ඉල්ලීමක් සිදු කර තිබේ.
බටහිර ඉවුරේ නවතම ඊශ්‍රායල ප්‍රහාර වලින් 29 දෙනකුට අධික පිරිසක් ඝාතනය වී ඇත.
(Aljazeera ඇසුරින් සටහන; හ ර් ෂ උදයකාන්ත)
මූලාශ්‍ර:
Eleven killed as Israel targets school sheltering displaced Palestinians