රුසියානු ජනපති ව්ලැද්මීර් පුටින් ( Vladimir Putin) සිය අනතුරු ඇඟවීමෙන්, සත්‍ය වශයෙන්ම එවැන්නක් අදහස් කරයි නම්, ඊට ප්‍රතිචාර වශයෙන්, එම අනතුරු ඇඟවීම් නොතකා යුක්‍රේනයට තව දුරටත් හමුදා සහාය තර කරන බව වොෂින්ටනය ප්‍රකාශ කරයි.
එසේ වුවහොත්, තෙවන ලෝක යුද්ධය වැඩි ඈතක නොවන බව රුසියාව විසින් තර්ජනය කර තිබේ.
න්‍යෂ්ටික අවි භාවිතා කිරීමට රුසියාව පෙළඹීමට පැහැදිලි හේතු රුසියානු ජනාධිපතිවරයා ඊයේ (26) සවිස්තරව ඉදිරිපත් කළේය. දේශ සීමා හරහා ගුවන්, මිසයිල හා ඩ්‍රෝන ප්‍රහාර අඛණ්ඩව සිදු කෙරේ නම්, න්‍යෂ්ටික ප්‍රහාර මගින් ප්‍රතිචාර දැක්වීමට සිදුවන බව ඔහු අවධාරණය කරයි. යුක්‍රේනය විසින්, ඇමෙරිකාවේ සහ බ්‍රිතාන්‍යයේ නිෂ්පාදිත දිගු දුර මිසයිල යොදා රුසියාව අභ්‍යන්තරයට පහර දෙන බව මොස්කව් පාලනය චෝදනා කරයි. ඒ සඳහා බටහිර චන්ද්‍රිකා තාක්ෂණයද නොඅඩුව ලැබෙන බව පැවසේ.
නිකොලයි සොකොව් (Nikolai Sokov)
එය තහවුරු සත්‍යයක් බවත්, ඒ ඔස්සේ ලද පණිවුඩය සුපැහැදිලි බවත්, තෙවන ලෝක යුද්ධයක් ප්‍රකාශ කෙරෙන තැනට "වැඩ වරද්දා" නොගන්නා ලෙසත්, හිටපු සෝවියට් රුසියානු රාජ්‍යතාන්ත්‍රිකයකු වන නිකොලයි සොකොව් (Nikolai Sokov) අවධාරණය කරයි. බටහිර රටවල් සිදුකරන එම අනර්ථයන්රු මගින් න්‍යෂ්ටික ප්‍රහාරයක දී රුසියාවට සිය සතුරු ඉලක්ක සැක හැර පෙන්වා දී ඇතැයි ඔහු පවසයි.
එහෙත්, පුටින්ගේ තර්ජනය වගකීම් විරහිත, එතරම් "ගණන් නොගතයුතු" තරමේ සහ කල් ඉකුත් වූ එකක් බව එක්සත් ජනපද රාජ්‍ය ලේකම් ඇන්තනී බ්ලින්කන් (Antony Blinken) පවසයි.
(Reuters ඇසුරින් සටහන : හර්ෂ උදයකාන්ත විසිනි).
මූලාශ්‍ර:
Putin draws a nuclear red line for the West