තායිවානයේ හදිසි කාලගුණ තත්ත්වයක්

එමගින් දැනුම්දී තිබේ.

දැඩි වර්ෂාපතනයක් සහිත තද සුළං සමගින් එය, එරට අධික ජනගහනයෙන් යුත් බටහිර වෙරළ තීරය හරහා ගමන් කිරීමට නියමිතය.

 මීට ඉහත, එවැනි සුළි කුණාටු කඳුකරයෙන් පතිතව, පැසිෆික් සයුරු මුහුණත පිහිටි නැගෙනහිර වෙරළ  තීරය ඔස්සේ හමා  ගියද, මෙවර තත්ත්වය ඊට ඉඳුරා වෙනස් බව එරට කාලගුණ බලධාරීහු පවසති.

බදාදා (02) උදෑසන වන විට, එය එරට වරාය නගරයක් වන කාඔස්‍යන්ග් (Kaohsiung) වෙත පතිත වීමෙන් අනතුරුව, මධ්‍යම තායිවානය ඔස්සේ, ඊශාන දිගින් පෙරදිග චීන මුහුදු කලාපයට පිවිසීමට නියමිත බව මධ්‍යම කාලගුණ පරිපාලනය (CWA) අනාවැකි පල කරයි.

කුණාටු කේන්ද්‍රය අසල පැයට සැතපුම් 125 ක වේගයකින් එය හමා යනු  ඇතැයි අපේක්ෂා කෙරේ. තායිවානයේ නිරිතදිග සහ බටහිර බැවුම්, වැඩි අවදානම් කලාප ලෙස දැනුම් දී තිබේ.

පැයට සැතපුම් 93 කට අධික සුළං තත්ත්වයකට මුහුණ දීමට සූදානම් වන ලෙස ප්‍රදේශවාසීන් දැනුවත් කර ඇත.

හදිසි තත්ත්වයකට සූදානමින් රබර් ජීවිතාරක්ෂක යාත්‍රා 1000කින්  සහ  15,000ක භට පිරිසකින් යුත් හමුදා බල ඇණියක්  සීරුවෙන්  සිටී. ඉදිරි දින   කිහිපය තුළ මීටර 1.3 ක වර්ෂාපතනයක් අපේක්ෂා කෙරේ.

සියලු හමුදා රෝහල්වල දවසේ පැය 24 පුරා  හදිසි ප්‍රතිකාර කණ්ඩායම් ක්‍රියාත්මකය.  

සියලු අභ්‍යන්තර යාත්‍රික  සේවා සහ ඇතැම්  ගුවන් ගමන් තාවකාලිකව අත්හිටුවා තිබේ. දකුණේ සිට නැගෙනහිර වෙරළ   තීරය තෙක් දිවෙන දුම්රිය ගමන් වාරද  අද මධ්‍යාහ්නයේ සිට  නවතා දමා  ඇත.

(Reuters ඇසුරින් සටහන; හ ර් ෂ   උදයකාන්ත විසිනි).

මූලාශ්‍ර: