පිපිරුම්වලට විනාඩි කිහිපයකට පෙර ගුවන්තොටුපොළ වෙත ළඟාවූයේ, ඩුබායි සිට පැමිණි මැද පෙරදිග ගුවන් සේවයට අයත් ME429 ගුවන් යානය බව ෆ්ලයිට්රාඩාර් 24 (Flightradar 24) වෙබ් අඩවියේ දැක්වේ.
අද අලුයම ඊශ්‍රායලය ලෙබනනයේ බීරුත් ගුවන්තොටුපොළ ආසන්න කලාපයට දැඩි බෝම්බ ප්‍රහාර එල්ල කළේය. අගනුවර ආසන්නයේ පිහිටි හිස්බුල්ලා බල ප්‍රදේශයක් වන දහියේ (Dahieh) වෙත එම ප්‍රහාර සිදු කර තිබේ. මීට පෙර ඝාතනය කරන ලද හිස්බුල්ලා නායක හසන් නස්රල්ලා ගේ ඥාති සොයුරකු වන හෂෙම් සෆෙයිදීන් (Hashem Safieddine) ප්‍රහාරවල ප්‍රධාන ඉලක්කය බව එක්සත් ජනපද මාධ්‍ය වාර්තා උපුටා දක්වමින් බීබීසී පුවත් සේවය පවසයි.
ඉකුත් පැය 24 තුළ ලෙබනනයේ සිදුකළ ඊශ්‍රායල ප්‍රහාර හමුවේ, 37 දෙනකු මියගොස් 151 දෙනෙක් තුවාළ ලදහ.
(BBC ඇසුරින් සටහන : හර්ෂ උදයකාන්ත විසිනි).