පාකිස්ථානයේ ත්‍රස්ත බෝම්බ ප්‍රහාරයකින් චීන ජාතිකයින් තිදෙනෙක් මරුට

එරට චීන තානාපති කාර්යාලය ඒබැව් සනාථ කළේය.

ප්‍රහාරයෙන්, අවම වශයෙන් 10 දෙනකුවත් තුවාල ලබා ඇතැයි වාර්තා වේ.  ඉංජිනේරුවන් ඇතුළු, වැඩ බිම චීන ජාතිකයින් පිරිසක් ඉලක්ක කර, එරට කාසිම් වරාය විදුලි බල සමාගමේ (Port Qasim Electric Power Company) කාර්ය මණ්ඩල රැගත් රථ පෙළක් වෙත එම ප්‍රහාරය සිදු කර තිබේ. 

 

එරට චීන තානාපති කාර්යාලය සහ කොන්සියුලර් ජෙනරාල් කාර්යාලය විසින් ප්‍රහාරය දැඩි ලෙස හෙලා දකිමින් ප්‍රකාශ නිකුත් කර ඇත. 

ඇෆ්ඝනිස්තාන සහ ඉරාන දේශ සීමා අතර පිහිටි නිරිතදිග පකිස්ථානයේ බලුකිස්තාන (Balochistan) ප්‍රාන්තයට නිදහස ඉල්ලා, බලොක් විමුක්ති හමුදාව සටන් වදිමින් සිටිති. ඉකුත් අගෝස්තු මස, එහි සිදු වූ ඊට අදාළ ගැටුම් වලින් 70 ක ට අධික පිරිසක් ජීවිතක්ෂයට පත්වූහ. 

(Reuters ඇසුරින් සටහන : හර්ෂ උදයකාන්ත විසිනි)

මූලාශ්‍ර:'
Terrorist attack' near Karachi airport kills two Chinese nationals, embassy says