ජපාන පාලක පක්ෂ මූලස්ථානයට ප්‍රහාරයක් එල්ල කළ අයකු අත්අඩංගුවට

හැවිරිදි පුද්ගලයකු පොලිසිය විසින් අත්අඩංගුවට ගෙන තිබේ.

එරට වේලාවෙන් අද පෙ.ව.6 ට ආසන්න වේලාවක සිදුවීම වූ බව පොලිසිය සඳහන් කරයි.

ප්‍රහාරකයා, සිය වෑන් රථය, ගොඩනැගිල්ලට අයත් ආරක්ෂක වැටේ ගැටීමට සලස්වා, අනතුරුව ආරක්ෂාවේ යෙදී සිටි පොලිස් නිලධාරීන් වෙත දුම් බෝම්බයක් එල්ල කර ඇතැයි, පොලිය පැවසීය.

පොලිස් රාජකාරියට බාධා කිරීම මත ඔහුව අත්අඩංගුවට ගෙන තිබේ. සිද්ධියෙන් කිසිවකුටත් තුවාළ සිදු වී නැතැයි වාර්තා වේ.

ප්‍රහාරකයා, අත්සුනොබු උසුදා (Atsunobu Usuda) නම් ජපන් ජාතිකයකු බවට හඳුනාගෙන තිබේ.

ජපන් අග්‍රාමාත්‍ය, ශිගේරු ඉෂිබා (Shigeru Ishiba) විසින් එරට මහ මැතිවරණයක් කැඳවා ඇති අතර මේ දිනවල එහි ප්‍රචාරක කටයුතු සිදු කෙරෙමින් පවතී.

මීට පෙර, 2022 ජුලි 08 වන දින, නාරා නගරබද දුම්රිය නැවතුම්පොළක් ආසන්නයේ, දේශපාලන රැස්වීමකට සහභාගී වෙමින් සිටි, එවක ජපන් අග්‍රාමාත්‍ය, ෂින්සෝ අබේ (Shinzo Abe), ජපන් ජාතිකයකුගේ වෙඩි පහරින් ජීවිතක්ෂයට පත් විය.

ජපාන මහ මැතිවරණය එළඹෙන  27 වෙනි දා පැවැත්වීමට නියමිතය.

(Reuters ඇසුරින් සටහන; හ ර් ෂ  උදයකාන්ත විසිනි)

මූලාශ්‍ර:
Tokyo police arrest man who they say threw Molotov cocktails at LDP HQ