ඇමෙරිකානු රාජ්‍ය ලේකම් මැද පෙරදිග සංචාරයක

සිය මැද පෙරදිග සංචාරයේ ඔහුගේ පළමු නැවතුම එයයි.

හමාස් නායක සින්වාර් ඝාතනයත් සමග, අතරමග නැවතී ඇති ගාසා සටන් විරාම සාකච්ඡාවලට යළි පණ පෙවීම සංචාරයේ අරමුණයි.

එහෙත්, ඇමෙරිකානු ජනපතිවරණය අබියස එහි සාර්ථකත්වය තවදුරටත් අපැහැදිලි කරුණකි.

පසු ගිය වසරේ ඔක්තෝබර් 7 සිදුවීමෙන් පසු, ඇමෙරිකානු රාජ්‍ය ලේකම්වරයාගේ එකොලොස්වන මැද පෙරදිග සංචාරයයි.

ඊශ්‍රායලය, ගාසා තීරයේ හමුදා මෙහෙයුම් තර කර ඇති මෙන්ම, එම ක්‍රියාන්විත ඉරාන සහාය හිමි හිස්බුල්ලා ත්‍රස්තයින් සොයා ලෙබනනය තෙක් ව්‍යාප්ත කර ඇති අවස්ථාවක සිදුකෙරෙන මෙම සංචාරය විශේෂිතය.

පුරා සතියක කාලයක් තුළ සිදු කෙරෙන මෙම සංචාරයේදී, රාජ්‍ය ලේකම්වරයා ජෝර්දානය සහ දෝහා වෙත පැමිණීමට ද අපේක්ෂිතය.

ගාසා තීරයේ සටන් නැවත්වීම, යුද්ධයෙන් පසු එහි දීර්ඝ කාලීන ප්‍රතිසංස්කරණ සහ මානුෂීය කටයුතු  පිළිබඳවද සංචාරය අතරතුර සාකච්ඡා කිරීමට  නියමිතය. සංහිඳියාව උදෙසා කලාපීය ආරක්ෂාව, යහපාලනය සහ ප්‍රතිසංස්කරණ එහි අරමුණයි.  

(Reuters ඇසුරින් සටහන; හ ර් ෂ   උදයකාන්ත විසිනි).

මූලාශ්‍ර:
Blinken heads to Israel to revive Gaza ceasefire talks after Sinwar death