එරට ටෙල් අවිව් අගනුවර හමුදා මර්මස්ථාන දෙකක් සහ හයිෆා (Haifa) හි නාවික මධ්‍යස්ථානයක් වෙත එම ප්‍රහාර එල්ල කෙරිණි.
ගාසා හි සටන් විරාමයකට මැදහත් සාකච්ඡා පිණිස ඇමෙරිකානු රාජ්‍ය ලේකම් අද, ඊශ්‍රායලය වෙත පැමිණීමට නියමිතය.
නවතම ප්‍රහාර හමුවේ එම සාම ප්‍රයත්නවල සාර්ථකත්වය පිලිබඳ විශ්වාසය පළුදු වී තිබේ.
දකුණු ලෙබනනය සහ එරට බීරුත් අගනුවර වෙත ඊයේ (21) රැය පුරා ඊශ්‍රායලය විසින් එල්ල කළ දරුණු ගුවන් ප්‍රහාරවලට පිළිතුරු ලෙස අද, හිස්බුල්ලා රොකට් ප්‍රහාර සිදු කර ඇත.
ඊශ්‍රායල හමුදා බුද්ධි බලකායක් රඳවා සිටින ග්ලිලොත් (Glilot) ඒකකය සහ නිරිත් (Nirit) ප්‍රදේශය වෙත එම එක් ප්‍රහාර රැල්ලක් එල්ල කර තිබේ.
අනෙක් ප්‍රහාරය එල්ල වී ඇති නාවික හමුදා මධ්‍යස්ථානය හයිෆා වරාය නගරයට උතුරින් පිහිටා ඇත.
ප්‍රහාරයෙන් සිදුවූ ජීවිත හෝ දේපළ හානි කිසිවක් මෙතෙක් වාර්තා වී නොමැත.
(Reuters ඇසුරින් සටහන; හ ර් ෂ උදයකාන්ත විසිනි)
මූලාශ්‍ර:
Hezbollah says it launches volley of rockets into Israel, Blinken returns seeking ceasefire