පිරිමි සෞඛ්‍ය හා වෛද්‍ය වෘත්තිකයින් මෙන්ම, රෝහලේ නේවාසික ප්‍රතිකාර ලබමින් සිටි රෝගීන් රැසක් ද එහිදී ඊශ්‍රායල හමුදා භාරයට ගැණිනි.
රෝහල් කාර්ය මණ්ඩලයට අයත් සෞඛ්‍ය වෘත්තිකයින් 70 දෙනකු අතරින් 40 දෙනකු හමුදා අත්අඩංගුවට පත් අතර, පසුව රෝහල් අධ්‍යක්ෂවරයා ඇතුළු 14 දෙනකු නිදහස් කෙරිණි. උතුරු ඊශ්‍රායලයේ කමල් අද්වාන් (Kamal Adwan) රෝහල එසේ, ඊශ්‍රායල සෝදිසි මෙහෙයුමට ලක් විය. එය උතුරු ගාසා තීරයේ දැනට ක්‍රියාත්මක රෝහල් ත්‍රිත්වයෙන් එකකි. තමන් සතු බුද්ධි තොරතුරු මත, එම මෙහෙයුම සිදු කළ බව ඊශ්‍රායල හමුදා පැවසූහ.
රෝහල් පරිශ්‍රයෙන්, ඊශ්‍රායල හමුදා පිටවීමත් සමග අවට ගොඩනැගිලි රැසක් හමුදා ප්‍රහාරවලට ගොදුරු වීමෙන් විනාශව ඇති ආකාරය චන්ද්‍රිකා දත්ත අසුරුන් නිරීක්ෂණය කළ බව, රොයිටර්ස් පුවත් සේවය පැවසීය.
රෝහල් කාර්යමණ්ඩල, ඊශ්‍රායල හමුදා අත්අඩංගුවට ගැනීමෙන්, එම හමුදා විසින්, රෝගී ජීවිත අනතුරේ හෙළා ඇතැයි, පලස්තීන සෞඛ්‍ය බලධාරීහූ ප්‍රකාශ කළහ. උතුරු ගාසා තීරයේ බෙයිට් ලහියා (Beit Lahiya) හි සිදු කළ ඊශ්‍රායල හමුදා ප්‍රහාරවලින්, අවම වශයෙන් 30 දෙනකුවත් මියගොස් ඇතැයි පලස්තීන සෞඛ්‍ය බලධාරීහු පැවසූහ.
රෝහල් කාර්යමණ්ඩල, ඊශ්‍රායල හමුදා අත්අඩංගුවට ගැනීමෙන්, එම හමුදා විසින්, රෝගී ජීවිත අනතුරේ හෙළා ඇතැයි, පලස්තීන සෞඛ්‍ය බලධාරීහූ ප්‍රකාශ කළහ.
එහෙත්, එම ප්‍රහාරය නිශ්චිත ඉලක්ක හඳුනා එල්ල කළ බව, ඊශ්‍රායල හමුදා පැවසූහ. ඉන්, හමාස් ත්‍රස්තයින් සැලකියයුතු පිරිසක් මරුමුවට පත් වූ බවද ඔවුහු ප්‍රකාශ කළහ. ප්‍රහාරය පිණිස භාවිතා කළ වර්ගයේ වෙඩි උණ්ඩ මගින්, පලස්තීන මාධ්‍ය පවසන ආකාරයේ සිවිල් පුද්ගල අනතුරු සංඛ්‍යාවක් කිසිසේත් සිදු නොවියහැකි බවද ඊශ්‍රායල හමුදා ප්‍රකාශ කළහ.
ජබාලියා (Jabalia) සහ උතුරු ගාසා තීරයේ බෙයිට් හනෞන් (Beit Hanoun) සහ බෙයිට් ලහියා (Beit Lahiya) හි පසුගිය සති තුන තුළ සිදු කළ ඊශ්‍රායල ප්‍රහාරවලින්, 800කට අධික පලස්තීනුවන් පිරිසක් ජීවිතක්ෂයට පත්වූහ.
උතුරු ගාසාවේ, යළි ඒකරාශී වෙමින් සිටි හමාස් ත්‍රස්තවාදීන් මුලිනුපුටා දැමීම පිණිස, එම මෙහෙයුම දියත් කළ බව, ඊශ්‍රායල හමුදා පැවසූහ. ප්‍රදේශයේ හමුදා මෙහෙයුම් වලින් ඊශ්‍රායල හමුදා භටයින් තිදෙනකු ද ජීවිතක්ෂයට පත්වූහ.
උතුරු ගාසා තීරයේ තත්ත්වය අතිශය බරපතල බව ජාත්‍යන්තර රතුකුරුස සංවිධානය (ICRC) ප්‍රකාශ කරයි. ප්‍රදේශයෙන් පලායාමට උත්සාහ දරන සියලු සිවිල් වැසියන්ට ආරක්‍ෂිත කොරිඩෝවක් සැපයිය යුතු බව ඔවුහු තරයේ කියා සිටිති. පදිංචි ස්ථානවලින් වහා ඉවත්වන ලෙස, නිරන්තර ඊශ්‍රායල දැනුම්දීම් සිදුකෙරෙන අතර, එම හමුදා මැදිහත්වීම් මත, ප්‍රදේශය වෙත අත්‍යවශ්‍ය ද්‍රව්‍ය සැපයුම්, හිතාමතාම අඩාල කොට තිබේ. මේ හේතුවෙන්, උතුරු ගාසා තීරයේ සමස්ත ජනගහනය අතිශය මානුෂීය ඛේදවාචකයකට ඇද වැටී සිටී.
දකුණු ගාසා හි අල්-මවාසි ( Al-Mawasi) අවතැන් මානුෂීය කලාපය ඊයේ (26), තවදුරටත් පුළුල් කළ බව, ඊශ්‍රායල හමුදා පවසති.
ඊශ්‍රායල හමුදා, උතුරු ගාසා තීරය සහ එහි කමල් ආද්වාන් රෝහල ආක්‍රමණය කිරීම, ජාත්‍යන්තර නීති උල්ලංඝනය කිරීමක් බව ජ්‍යෙෂ්ඨ හමාස් නිලධාරී, බසෙම් නයිම් (Basem Naim) පවසයි. බටහිර රටවල ආශිර්වාදයෙන් තොරව, ඊශ්‍රායලයට එවැනි අපරාධයක් සිදු කළ නොහැකි බව ඔහු කියා සිටී.
එහෙත්, හමාස් සංවිධානය, නිරන්තරයෙන් සිය සන්නද්ධ ක්‍රියාකාරකම් සඳහා, සිවිල් පුරවැසියන්, රෝහල් සහ වෙනත් පොදු ගොඩනැගිලි අවභාවිතා කරන බවට ඊශ්‍රායල හමුදා චෝදනා කරති. හමාස් සංවිධානය එම චෝදනා ප්‍රතික්ෂේප කරයි.
දකුණු ගාසා හි අල්-මවාසි ( Al-Mawasi) අවතැන් මානුෂීය කලාපය ඊයේ (26), තවදුරටත් පුළුල් කළ බව, ඊශ්‍රායල හමුදා පවසති. ඊයේ, බටහිර ඉවුරේ තුල්කර්ම් (Tulkarm) හි සිදු කළ මෙහෙයුමකින්, හමාස් සාමාජිකයකු ඝාතනය කළ බව, ඊශ්‍රායල හමුදා පවසති.
ගාසා තීරයේ සටන් ඇරඹි තැන් සිට, බටහිර ඉවුරේ විශාල පිරිසක් ඊශ්‍රායල හමුදා ප්‍රහාර මගින්, ජීවිතක්ෂයට පත්වූහ. හමාස් කැරලිකරුවන්, ඊශ්‍රායල හමුදා වෙත ගල් ප්‍රහාර එල්ලකළ පලස්තීන තරුණයින් සහ වෙඩි හුවමාරුවලට මැදි වූ පලස්තීනුවන් විශාල සංඛ්‍යාවක් ඒ අතර වෙති.
ඊශ්‍රායල ප්‍රහාර හමුවේ මරණයෙන් ගැලවීමට මරණය කරා පලායන පලස්තීන වැසියෝ
ඉකුත් වසරේ ගාසා තීරයේ පැවති වීදි සටන්වලින් ඊශ්‍රායල හමුදා භටයින් රැසක් ද ජීවිතක්ෂයට පත්වූහ.
පසුගිය වසරේ ඔක්තෝබර 7 දායින් පසු ඇරඹි ඊශ්‍රායල-පලස්තීන ගැටුම්වලින්, ගාසා තීරයේ මියගිය සංඛ්‍යාව මේ වනවිට 43,000 කට ආසන්න වෙමින් පවතී.
(Reuters ඇසුරින් සටහන : හර්ෂ උදයකාන්ත විසිනි)