ඉරානය නිහඬ නොවේ!

අයතොල්ලා අලි ඛමේනි  අද පැවසීය.

එය ඊයේ ප්‍රහාරයට සාපේක්ෂව, අවම හා අතිශයෝක්ති නොවන අයුරින් තීරණය කළ යුතු බව ඔහු ප්‍රකාශ කළේය.

ඊයේ ප්‍රහාරයට මුනිවත රැකීම ගෝලීය වශයෙන් බියසුල්ලන් බවට පත්වීමක් වේදෝ, නොවේදෝ යන්න පිලිබඳ එරට අභ්‍යන්තර කතා බහක් ද මතුව තිබේ.

ඊශ්‍රායලය වෙත, ඉරානයේ ශක්තිය ප්‍රදර්ශනය කළයුතු බව ඛමේනි පවසයි. එය කවදා, කෙසේ කරන්නේද  යන්න පිලිබඳ තීරණය බලධාරීන් සතු බව ඔහු කියා සිටී.

කෙසේ වෙතත්, ඉරාන වැසියන්ගේ 'කැමැත්ත' ඊශ්‍රායලය අත්විඳිය යුතු යයි ඔහු ප්‍රකාශ කරයි.

 ඊයේ මධ්‍යම රාත්‍රී, ඊශ්‍රායල ප්‍රහාරය පිලිබඳ නිවැරදි තක්සේරුවක් නොගෙන, වහා ප්‍රතිචාර දැක්වීමකට ඉරානය ඉක්මන් නොවනු ඇති බව ජාත්‍යන්තර මතයයි.

ඊශ්‍රායල ගුවන් ප්‍රහාරයෙන්, ඉරාන විප්ලවීය ආරක්ෂක බලකා භටයින් සිව් දෙනකු මියගිය අතර, ජනපති මසූද් පෙසෙෂ්කියාන් ඔවුන් වෙත සිය  ශෝකය  ප්‍රකාශ කළේය.

 ඉරානයේ සතුරන්, සිය අභීත ආරක්ෂක භටයින්ගේ ශක්තිය වටහා ගතයුතු බවත්, උපක්‍රමශීලීව සහ මනා අවබෝධයෙන් ඉදිරි ප්‍රහාර සැලසුම් කරන බවත්, ඔහු කියා සිටියේය.

(The Guardian ඇසුරින් සටහන; හ ර් ෂ  උදයකාන්ත විසිනි)