රාජ්‍යය සමග විශ්වාසය පළුදු වීම මත එය සිදු කර තිබේ.
එරට නව ආරක්ෂක අමාත්‍යවරයා, ඉශ්‍රයෙල් කාට්ස් (Israel Katz) ය. කාට්ස් මීට පෙර දැරූ විදේශ අමාත්‍ය ධුරයට ගිඩන් සාර් (Gideon Saar) පත් කර තිබේ.
රටේ ඉරණම තීරණාත්මක අවධියක පවතින මොහොතක, රාජ්‍ය ආරක්ෂාව පරදුවට තබා දේශපාලන තීරණ ගැනීම පිළිබඳව නෙතන්යාහුට විරෝධය එල්ල වී තිබේ. ආරක්ෂක අමාත්‍යවරයා එම ධුරයෙන් නෙරපා හැරීමත් සමග වීදි බට විරෝධතාකරුවෝ, අධිවේගී මාර්ග අවහිරකරමින්, මාර්ගය මත ගිනි දැල්වූහ.
ගැලන්ට් සහ නෙතන්යාහු දෙදෙනාම දක්ෂිණාංශික පාක්ෂිකයෝ වෙති. වසරකට අධික කාලයක් පවතින පලස්තීන හමාස් සන්නද්ධ කැරළිකරුවන්ට එරෙහි ගාසා තීරයේ ගැටුම සම්බන්ධයෙන් මීට මාස කිහිපයකට පෙර සිට දෙදෙනා අතර පරස්පර විරෝධතා මතු විය. ඊයේ, ඇමෙරිකානු ජනපතිවරණ දා, හදිසියේම නෙතන්යාහු සිය ආරක්ෂක අමාත්‍යවරයා ධුරයෙන් පහ කළේය.
හිටපු ආරක්ෂක අමාත්‍යවරයා රජයේ සහ කැබිනට් මණ්ඩලයේ තීරණයට පටහැනිව ක්‍රියා කිරීම හේතුවෙන් එම තීරණය ගත් බව අග්‍රාමාත්‍යවරයා පවසයි. රාජ්‍යයේ ආරක්ෂාව, සියළු කල්හි තම ලෙයෙහි පවතින්නක් බව, ඊට ප්‍රතිචාර වශයෙන් හිටපු ආරක්ෂක අමාත්‍ය ගැලන්ට් කියා සිටී.
හමාස් සහ හිස්බුල්ලා ත්‍රස්තයින් විනාශ කොට, අත්අඩංගුවේ පසුවන ප්‍රාණ ඇපකරුවන් මුදා ගන්නා බව නව ආරක්ෂක අමාත්‍ය කාට්ස් ප්‍රකාශ කරයි.
ඊශ්‍රායලය වෙත සිදු කළ ඉරාන මිසයිල ප්‍රහාරය පිලිබඳ විවේචනාත්මක නොවීම හේතුවෙන්, ඔහු විදේශ අමාත්‍ය ධුරයේ සිටි පසුගිය මස, එක්සත් ජාතීන්ගේ මහ ලේකම් අන්තෝනියෝ ගුටෙරෙස් (Antonio Guterres) හට ඊශ්‍රායලයට ඇතුළු වීම තහනම් කළේය. එමෙන්ම, ඉකුත් සැප්තැම්බරයේ, ඇමෙරිකාව සහ ප්‍රංශය එක්ව රැගෙන ආ ලෙබනනයේ දින 21 ක සටන් විරාම යෝජනාව ද කාට්ස් ප්‍රතික්ෂේප කළේය.
හමාස් සහ හිස්බුල්ලා ත්‍රස්තවාදීන්ට එරෙහි සටනේ ජයග්‍රහණය පිලිබඳ සැකයක් තබාගෙන ආරක්ෂක අමාත්‍ය ධුරයේ රැඳී සිටිය නොහැකි බවත්, අග්‍රාමාත්‍යවරයා විසින් ගැලන්ට් එම ධුරයෙන් නෙරපා හැරීමට ගත් තීරණය ඉතා කාලෝචිත එකක් බවත්, නෙතන්යාහු රජයේ අමාත්‍ය අයිටමර් බෙන්-ගිවර් (Itamar Ben-Gvir) පැවසීය.
ගාසා තීරයේ බෙයිට් ලහියා (Beit Lahiya), දෙර් අල්බලා (Deir Al-Balah), අල්සවයිදා (Al-Zawayda) සහ තවත් නගර වෙත ඊයේ එල්ල කළ ඊශ්‍රායල ප්‍රහාරවලින් 29 දෙනෙක් ජීවිතක්ෂයට පත්වූහ. ඉන්, විසි දෙනකුම මියගොස් ඇත්තේ, බෙයිට් ලහියා වෙත එල්ල කළ ගුවන් ප්‍රහාරවලිනි.
සියලු ප්‍රහාර, අවතැන් කඳවුරු ඉලක්ක කර සිදු කර තිබේ.
(Reuters ඇසුරින් සටහන: හර්ෂ උදයකාන්ත විසිනි)