චීන ජනපති, ෂී ජින්පින්ග් සහ එරට සංචාරයක නියුතු ඉන්දුනීසියානු ජනපති, ප්‍රබෝවෝ සුබියන්තෝ අතර හමුවකින් අනතුරුව එම නිවේදනය නිකුත් කෙරිණි.
සුබියන්තෝ, අද සිට චීනයේ විශේෂ රාජ්‍යතාන්ත්‍රික සංචාරයක නිරත වේ. පසුගිය මස, ධුරයේ වැඩ භාර ගැනීමෙන් අනතුරුව ඔහුගේ පළමු විදේශ සංචාරය මෙයයි. නව ජනපතිවරයාගේ පළමු සංචාරය සඳහා චීනය තෝරා ගැනීම මගින්, දෙරට අතර උපාය මාර්ගික ද්වීපාර්ශ්වීය වෙළඳ සබඳතා ශක්තිමත් කිරීමට ඉන්දුනීසියාව අපේක්ෂා කරයි.
චීනය සහ ඉන්දුනීසියාව ශක්තිමත් ද්වීපාර්ශ්වීය සබඳතා ඔස්සේ ගෝලීය සංවර්ධනයේ නව මානයන් සොයා ඉදිරියට ඇදෙන බවත්, නව බලශක්ති ප්‍රභවයන්ගෙන් පණ ගැන්වෙන මෝටර් රථ, ලිතියම් බැටරි, සූර්ය බලය සහ ආලෝක ප්‍රභව ආශ්‍රිත බලශක්ති නිෂ්පාදනය කෙරෙහි වැඩි අවධානයක් යොමු කරමින්, ගෝලීය ඩිජිටල් ආර්ථික සහ හරිත සංවර්ධන ක්ෂේත්‍රයන් බලගැන්වීමට අපේක්ෂා කරන බවත්, එම ඒකාබද්ධ නිවේදනයේ වැඩිදුරටත් සඳහන් වේ. දෙරට අතර පතල් කර්මාන්තය වැඩි දියුණු කිරීම කෙරෙහිද රාජ්‍ය නායක අවධානය යොමුව තිබේ.
කොවිඩ් - 19 පූර්ව වසංගත කාලීන ඉලක්ක ඉක්මවා යන පරිදි චීනය සහ ඉන්දුනීසියාව අතර සංචාරක කර්මාන්තය ප්‍රවර්ධනය කෙරේ, ඒ යටතේ, දෙරට අතර පුරවැසි බහු-ප්‍රවේශ දිගු කාලීන වීසා නිකුත් කිරීම, වැඩි සෘජු ගුවන් සේවා සංඛ්‍යාවක් ක්‍රියාත්මක කිරීම සහ වැඩි ඉල්ලුමකින් යුත් සංචාරක ආකර්ෂණයක් සහිත ගමනාන්ත වෙත නව ගුවන් සේවා ප්‍රවර්ධනය ද සිදු කෙරේ.
ඉන්දුනීසියානු ජනපතිගේ චීන සංචාරයේදී, නිවාස වැඩසටහන් සහ ඉන්දුනීසියාවෙන්, චීනයට පොල් අපනයනය සම්බන්ධ ගිවිසුම් ඇතුළු සහයෝගිතා-වෙළඳ ගිවිසුම් රැසකට ද අත්සන් තැබේ.
(Reuters ඇසුරින් සටහන : හර්ෂ උදයකාන්ත විසිනි)
මූලාශ්‍ර:
China, Indonesia enhance ties with key deals on lithium, green energy, tourism