අවම වශයෙන් ඒ සඳහා ඩ්‍රෝන යානා 32ක් වත් සහභාගී වූ බව වාර්තා වේ. 2022 රුසියාව විසින් යුක්‍රේනය ආක්‍රමණය කිරීමෙන් පසු රුසියාව වෙත එල්ල වූ දැවැන්තම ඩ්‍රෝන ප්‍රහාරය මෙය වේ.
මොස්කව් දෙසට පියාසර කරමින් තිබූ ඩ්‍රෝන යානා 32ක් රුසියානු ගුවන් ආරක්ෂක පද්ධතිය මගින් වෙඩි තබා විනාශ කළ බව මොස්කව් නගරාධිපති, සර්ජි සොබ්යනින් ( Sergei Sobyanin) පැවසීය.
ප්‍රහාරයෙන් සැලකිය යුතු හානියක් සිදු වී නැතැයි වාර්තා වේ. ප්‍රහාරය සිදුවන අවස්ථාවේ, දොමොදෙදෝවෝ (Domodedovo), ෂෙරෙමෙත්යෙවෝ (Sheremetyevo) සහ සුකොවෝ (Zhukovo) යන ගුවන්තොටුපොළට ඉහළ අහසේ පියාසර කරමින් තිබූ ගුවන් යානා සියල්ල වෙනත් ආරක්‍ෂිත මාර්ග ඔස්සේ හරවා යැවූ බව රුසියාවේ ෆෙඩරල් ගුවන් ප්‍රවාහන ඒජන්සිය පවසයි.
මොස්කව් නුවරට ආසන්න ඉහළ අහසේ ඩ්‍රෝන යානා රැසක් ඔබ මොබ සැරිසරන වීඩියෝ දර්ශන සමාජ මාධ්‍යයේ දුටු බව රොයිටර්ස් පුවත් සේවය පවසයි.
මේ අතර ඊයේ මධ්‍යම රාත්‍රී රුසියාව යුක්‍රේනයේ ඔඩෙසා (Odesa) වෙත එල්ල කළ ඩ්‍රෝන ප්‍රහාරයල්කින් දෙදෙනකු තුවාළ ලබා ඇතැයි වාර්තා වේ.
ප්‍රහාරයෙන් ගොඩනැගිලි කිහිපයක්ද විනාශ විය.
විනාශයට පත් ගොඩනැගිලි ඉදිරිපිට යුක්‍රේන ගිනි භටයින් යුහුසුළුව ක්‍රියාත්මක වන අන්දම දැක්වෙන රූප රාමු පෙළක් සමාජ මාධ්‍ය වෙත මුදා හැර තිබේ.
(Reuters ඇසුරින් සටහන; හ ර් ෂ උදයකාන්ත විසිනි)
මූලාශ්‍ර:
Ukraine attacks Moscow with 32 drones, biggest strike on the Russian capital