ට්‍රම්ප් අඩියක් පස්සට ගනී ! - ස්මාර්ට්ෆෝන් සහ පරිගණක නව තීරුබදුවලින් නිදහස් කරයි

ස්මාර්ට්ෆෝන්, පරිගණක සහ මෙමරි කාඩ්පත් ඇතුලු විවිධ ඉලෙක්ට්‍රොනික් කොටස් ඒ අතරට ඇතුළත් වේ.

ඩොනල්ඩ් ට්‍රම්ප් පසුගිය දා චීනයට පැනවූ නව තීරු බදු හේතුවෙන් දුරකථන සහ ඒ ආශ්‍රිත නිශ්පාදන ඉදිරියේදී ඉහළ යනු ඇති බවට අමෙරිකානු තාක්‍ෂණ සමාගම් කනස්සල්ල ප්‍රකාශ කිරීම හේතුවෙන් එම තීරණය ගෙන ඇත.

මින් පෙර විදෙස් මාධ්‍ය වාර්තා කර තිබුණේ නව තීරුබදු අනුව අමෙරිකාවේ I Phone සහ අනෙකුත් ඉලෙක්ට්‍රොනික භාණ්ඩ මිල තුන් ගුණයකින් පමණ ඉහළ යාමට ඉඩ තිබෙන බවය.

ඊට හේතුව ලෙස වාර්තා වී ඇත්තේ අමෙරිකාවේ අලෙවියට තබා ඇති I Phone ජංගම දුරකථනවලින් 80%ක් පමණ චීනයේ නිෂ්පාදිත බැවින් සහ ඉතිරි 20% ඉන්දියාවේ නිෂ්පාදිත බැවින්ය.