මාලදිවයිනේ ජනාධිපති කාර්යාලය නිවේදනයක් නිකුත් කරමින්, ඊශ්‍රායෙල් සහ හමාස් අතර පවතින යුද්ධයේදී සිදුව ඇති ජන සංහාරයන් හේතුවෙන් ඊශ්‍රායෙල් ගමන් බලපත්‍ර හිමි පුද්ගලයින්ට මාලදිවයිනට ඇතුළුවීම තහනම් කර ඇති බව ප්‍රකාශ කළේය.
මාලදිවයිනේ සංක්‍රමණ පනතේ තුන්වන සංශෝධනය අනුමත කිරීමෙන් පසුව මෙම තීරණය ගෙන ඇත.
ජනාධිපති කාර්යාල නිවේදනයේ වැඩිදුරටත් දැක්වුණේ, තම රට ජාත්‍යන්තර නීතිය උල්ලංඝණය කිරීම් සම්බන්ධයෙන් වන වගවීම සඳහා අඛණ්ඩව පෙනී සිටින අතර, ඊශ්‍රායලයේ ක්‍රියාවන් දැඩි ලෙස හෙළා දකින බවයි.
“පලස්තීනය සමඟ මාලදිවයින සිය නොසැලෙන සහයෝගීතාවය සහ පලස්තීන ජනතාවගේ අයිතිවාසිකම් ප්‍රවර්ධනය කිරීමට සහ ආරක්ෂා කිරීමට ඇති නොනවතින කැපවීම යළි අවධාරණය කරන්නෙමු” යනුවෙන් ජනාධිපති කාර්යාලය ප්‍රකාශයේ සටහන් කර ඇත.
“ජාත්‍යන්තර නීතිය උල්ලංඝනය කිරීම් සම්බන්ධයෙන් වගවීම ඉල්ලා මාලදිවයින දිගටම පෙනී සිටින අතර ඊශ්‍රායෙල් ක්‍රියා හෙළා දකිමින් ජාත්‍යන්තර වේදිකාවල සිය හඬ අවදි කරන්නෙමු.” යනුවෙන් එම නිවේදනයේ වැඩිදුරටත් සඳහන් කර තිබේ.
Maldives bans Israeli passport holders in protest against Gaza war