නෙදර්ලන්තයේ හේග් නුවර පැවැති නේටෝ සමුළුවෙන් පසුව ඔහු මේ බව කීවේ ය.
ඇමෙරිකා එක්සත් ජනපදය, ඉරානයේ න්‍යෂ්ටික වැඩබිම් තුනකට එල්ල කරන ලද ප්‍රහාරවලින් ඉරානයට දරුණු බලපෑමක් සිදුව ඇති බවත්, ඉරානය නැවත එවැනි ක්‍රියාකාරකම්වල නිරත නොවනු ඇති බවත් ඇමෙරිකානු ජනාධිපතිවරයා කීය.
ඇමෙරිකා එක්සත් ජනපදයේ හිටපු ජනාධිපති බැරැක් ඔබාමාගේ සමයේ දී ඉරානය, න්‍යෂ්ටික ගිවිසුමකට අත්සන් තැබූ අතර ඩොනල්ඩ් ට්‍රම්ප් සිය පළමු ධුර කාලයේ දී (2018) ඇමෙරිකාව අදාළ ගිවිසුමෙන් ඉවත් කරගත්තේ ය.
කෙසේ නමුත් ඇමෙරිකා එක්සත් ජනපදය සහ ඉරානය අතර න්‍යෂ්ටික කාරණා සම්බන්ධයෙන් පසුගිය අප්‍රේල් මාසයේ දී, ඕමානයේ දී සාකච්ඡා ආරම්භ වූ අතර ඉරාන-ඊශ්‍රායල ගැටුම හේතුවෙන් ඒවා අතරමැද නැවැතුණි.
ඇමෙරිකා එක්සත් ජනපදයේ ප්‍රහාරවලින්, ඉරාන න්‍යෂ්ටික වැඩබිම්වලට එතරම් හානියක් සිදු වී නැති බවත්, සිදුව ඇත්තේ මාස කිහිපයක පසුබෑමක් පමණක් බවත් ඇමෙරිකානු බුද්ධි අංශ උපුටා දක්වමින් ඇමෙරිකානු ප්‍රවෘත්ති පසුගිය දෙදින වාර්තා කර තිබිණි.
කෙසේ නමුත් ඇමෙරිකා එක්සත් ජනපද ජනාධිපතිවරයා ඊට වෙනස් අදහසක් දැරූ අතර ඇමෙරිකානු ප්‍රහාරවලින් ඉරානයේ න්‍යෂ්ටික වැඩබිම් සම්පූර්ණයෙන්ම විනාශ වී ඇතැයි ඇමෙරිකා එක්සත් ජනපදයේ ජාතික බුද්ධි අධ්‍යක්ෂ තුල්සි ගැබාඩ් පවසා ඇත.