ඔහු සදහන් කළේ, මෙම ගිවිසුමට අනුව වියට්නාමයේ සිට අමෙරිකාවට ආනයනය කරන භාණ්ඩ සදහා සියයට 20ක තීරු බද්දක් අය කරන බවයි.
මීට පෙර ඇමරිකානු ජනාධිපති ජනාධිපති ඩොනල්ඩ් ට්‍රම්ප් ප්‍රකාශ කළේ, වියට්නාමයට සියයට 46ක තීරු බදු පනවන බවටයි.
එමෙන්ම වියට්නාමයේ සිට සිදු කරන ඕනෑම ප්‍රතිනැව්ගත කිරීමකදී සියයට 40ක තීරු බද්දක් පැනවෙන බව ද අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කළේය.
මෙම ගිවිසුමට අනුව අමෙරිකාවේ සිට වියට්නාමයට ආනයනය කරන භාණ්ඩ සදහා තීරු බදු අය නොකිරීමට ද තීරණය කර ඇත.
ලංකාවේ සුදානම !
ශ්‍රී ලංකාවටත් මෙවැනි ගිවිසුමකට එළඹීමට සිදුවනු ඇතැයි ඇතැම් ආර්ථික හා දේශපාලන විශේලේෂකයින් පවසති.
මේ අතර කැබිනට් ප්‍රකාශක සහ අමාත්‍ය වෛද්‍ය නලින්ද ජයතිස්ස පවසන්නේ, ශ්‍රී ලංකාවේ අපනයනකරුවන්ට හෝ පුළුල් ආර්ථිකයට හානියක් නොවන පරිදි ඇමරිකා එක්සත් ජනපදය තීරුබදු ප්‍රතිපත්ති සකස් කරනු ඇතැයි විශ්වාස කරන බවයි.
USTR නිලධාරීන් සමඟ Zoom සාකච්ඡා හරහා ශ්‍රී ලංකාවේ බලධාරීන් ක්‍රියාකාරීව සම්බන්ධ වී ඇති බව ද ඇමතිවරයා ප්‍රකාශ කරයි.
Sri Lanka awaits favourable US response on reciprocal tariffs by 8 July