කෙසේ වෙතත්, ඩිමොක්‍රටික් පාක්ෂිකයින් විසින් ඉදිරිපත් කළ එම යෝජනාව, ට්‍රම්ප් පාක්ෂික රිපබ්ලිකන් බහුතරයක් සිටින පාර්ලිමේන්තුවේ දී වැඩි ඡන්දයෙන්ස සම්මත නොවනු ඇතැයි, දේශපාලන විචාරකයෝ පවසති. ආසන 53-47 වශයෙන් එම බහුතරය පවතී.
මේ අතර, පලස්තීන රාජ්‍යය පිළිගැනීම පිණිස බ්‍රිතාන්‍ය අග්‍රාමාත්‍ය කෙයිර් ස්ටාර්මර් (Keir Starmer) විසින් ගෙන ආ යෝජනාවට තමා අප්‍රසාදය පල කළ බව, ජනපති ට්‍රම්ප් පැවසීය. රිපබ්ලිකන් පාක්ෂිකයින් කිසිවකු බ්‍රිතාන්‍ය යෝජනාවට පක්ෂව කටයුතු නොකරනු ඇතැයි, තමාට විශ්වාස බවද හෙතෙම කියා සිටියේය.
පලස්තීන රාජ්‍යය පිළිගැනීමේ ජාත්‍යන්තර පියවර උදෙසා පෙරමුණ ගෙන ක්‍රියා කිරීමට ඇමෙරිකාවට වගකීමක් ඇතැයි, ඩිමොක්‍රටික් පාක්ෂික ජෙෆ් මර්ක්ලේ (Jeff Merkley) ප්‍රකාශ කරයි. ඊට සුදුසුම කාලය දැන් එළඹ ඇතැයි, ඔහු කියා සිටී.
නව යෝජනාව මගින් ඉදිරිපත් කෙරෙන පරිදි, පලස්තීන රාජ්‍යය සන්නද්ධ හරණය කර ඊශ්‍රායලයේ ආරක්ෂාව තහවුරු කිරීම තුළ සාම ක්‍රියාවලිය ට පැහැදිලි ප්‍රවේශයක් ලබා ගත හැකි බව, ඔහු අවධාරණය කරයි.
ඊශ්‍රායලය, ගාසා තීරයේ මානව සංහාරයක් සිදු කර ඇති බව පසුගියදා එක්සත් ජාතීන්ගේ කොමිසමක් මගින් නිගමනය කළේය. එය සාවද්‍ය සහ තහවුරු නොකළ තොරතුරු මත එළැඹි නිගමනයක් බව ඊශ්‍රායලය පවසයි.
එළැඹෙන සතියේ නිව් යෝර්ක් නුවර පැවැත්වෙන එක්සත් ජාතීන්ගේ මහා මණ්ඩල සැසිවාරයේදී, පලස්තීන රාජ්‍යය නිල වශයෙන් පිළිගැනීමට එක්සත් ජනපද හිතෛෂී රාජ්‍යය කිහිපයක්ම සූදානමින් පසුවේ.
පසුගිය බදාදා (17) ගාසා ගැටුම්වලින් මියගිය සංඛ්‍යාව 65,000 ඉක්මවීය. හමාස් භාරයේ පසුවන මුදා නොගත් ප්‍රාණ ඇපකරුවන් සංඛ්‍යාව 48කි. ඉන් 20 දෙනෙක් තවමත් ජීවතුන් අතර පසුවන බව ඊශ්‍රායලය කියයි.
(සටහන | Reuters ඇසුරින්; හර්ෂ උදයකාන්ත පීරිස්)
(harshaprs@yahoo.com)
9/19/2025
මුලාශ්‍රය :
Democratic-led US Senate resolution seeks recognition of Palestinian state
