ඊයේ (23) එරට නිව් යෝර්ක් නුවර පැවති එක්සත් ජාතීන්ගේ (UN) මහා මණ්ඩල හමුව අමතමින් ඔහු එසේ ප්‍රකාශ කළේය.
ලෝක බලවතුන් සිය ඒකමතික තීරණය පසෙක ලා, හමාස් භාරයේ පසුවන ඉතිරි ප්‍රාණ ඇපකරුවන් නිදහස් කර ගැනීම පිණිස කටයුතු කළ යුතු බව ඔහු අවධාරණය කළේය.
මීට දෙවසරකට පෙර, ඊශ්‍රායල භූමියේ සිදු කළ ත්‍රස්ත ප්‍රහාරයත් සමග ගාසා යුධය ඇවිල වූයේ, හමාස් සංවිධානය බව ඔහු පැවසීය.
ඊයේ, බටහිර රටවල් රැසක තීරණයෙන් පසු, ගාසා යුද්ධය සම්බන්ධයෙන් ඊශ්‍රායලය ගෝලීය අවමානයට පාත්‍රව සිටී. යුද්ධයෙන් මේ වන විට, පලස්තීන ජාතිකයින් 65,000කට අධික පිරිසක් මරණයට පත්ව ඇතැයි, ගාසා සෞඛ්‍ය බලධාරීහු ප්‍රකාශ කරති. එහි ඉමහත් ජනකායක් දරුණු සාගත තත්ත්වයකට ද බඳුන් ව සිටිති.
පලස්තීනය වෙනම රාජ්‍යයක් ලෙස නිල වශයෙන් පිළිගත් රටවල් අතර ප්‍රංශය, බ්‍රිතාන්‍යය, කැනඩාව, ඕස්ට්‍රේලියාව සහ පෘතුගාලය ද වේ.
"මෙතැනට රැස්ව සිටින බොහෝ පාර්ශ්ව යුද්ධය දිග්ගස්ස ගන්නයි හදන්නෙ. පලස්තීනය ස්වාධීන රාජ්‍යයක් ලෙස පිළිගැනීමෙන් ඔවුන් කර ඇත්තේ ඊට සහාය පල කිරීමක්, ඒ වගේම, හමාස් ත්‍රස්තයින්ට සහ ඔවුන් සිදු කරන අපරාධ ක්‍රියාවන්ට විශාල වටිනාකමක් දීමක්" යි, එක්සත් ජාතීන්ගේ හමුව අමතමින් ජනපති ට්‍රම්ප් පැවසීය.
පසුව, ඔහු එහි පැමිණ සිටි සෞදි අරාබිය, එක්සත් අරාබි එමීර් රාජ්‍යය, කටාර්, ඊජිප්තුව, ජෝර්දානය, තුර්කිය, ඉන්දුනීසියාව සහ පකිස්ථානය ඇතුළු මුස්ලිම් රටවල් රැසක නායකයින් හමු විය. එය, ඉතා සාර්ථක හමුවක් බව ඔහු ප්‍රකාශ කළේය.
(සටහන | Reuters ඇසුරින්; හර්ෂ උදයකාන්ත පීරිස්)
(harshaprs@yahoo.com)
9/24/2025
මුලාශ්‍රය :
At the UN, Trump condemns moves to recognise Palestinian state
