බ්‍රිතාන්‍යයේ ඩිජිටල් හැඳුනුම්පත අනිවාර්ය කෙරේ

අනිවාර්ය කෙරෙන බව  රජය අද (26) දැනුම් දුන්නේය. නීති විරෝධී සංක්‍රමණ වැලැක්වීම පිණිස  නව පියවර ගෙන තිබේ.  

දේශා සීමා ආරක්ෂාව තර කිරීමේ අරමුණින්,   බ්‍රිතාන්‍යය තුළ නීති විරෝධී  රැකියාවන්හි නියැලෙන්නන්ට එරෙහි නීති දැඩි කරන බව අග්‍රාමාත්‍ය , කෙයිර් ස්ටාර්මර් (Keir Starmer) මේ පිලිබඳ විශේෂ නිවේදනයක් නිකුත් කරමින් කියා සිටී.

විදෙස් සංක්‍රමණික ගැටළුව බ්‍රිතාන්‍යයට ඉමහත් තර්ජනයක්  බව ඒ පිළිබඳව මෑතක සිදු කළ මත විමසීම්වලින් ප්‍රත්‍යක්ෂව  තිබේ. ප්‍රංශයේ සිට කුඩා යාත්‍රා මගින් බ්‍රිතාන්‍යයට ලඟා වන  අනීතික සංක්‍රමණිකයින් වැලැක්වීමට පියවර ගන්නැයි, එරට ජනතාව දිගින් දිගටම රජයට බල කර සිටිති.

නීති විරෝධී සංක්‍රමණිකයින් ඉලක්ක කොට  ඇති නව පියවර මගින්,  පුරවැසි ස්වෛරීභාවය උල්ලංඝනය කෙරෙන බව   විපක්ෂ කණ්ඩායම්  චෝදනා කරති.  බ්‍රිතාන්‍යය  තුළ, ඒ පිලිබඳ  දේශපාලනික මත වාද ද හට ගැනෙමින් පවතී.

රට  තුළ,  "පොතට හුළං,  අතට මුදල්" රැකියාවස්ථා  පවතින තාක්, ඩිජිටල් හැඳුනුම් පත අනිවාර්ය කිරීම විහිළුවක් බව ඔව්හු පෙන්වා දෙති. එබැවින්, ඩිජිටල් හැඳුනුම්පතක් පිලිබඳ නව නෛතික   ප්‍රසම්පාදන මගින්, නීති ගරුක බ්‍රිතාන්‍යයන්ගේ සමාජ ස්වාධීනත්වය කෙලෙසෙන බව විපක්ෂය පවසයි.

ජංගම දුරකථනය මත යෙදුමක් සේ රඳවන නව ඩිජිටල් හඳුන්ම්පත, සේවකයින්   බඳවා ගැනීමේදී,   සෑම සේවා යෝජකයකු විසින්ම පරික්ෂා කර බැලීම අනිවාර්ය කෙරෙන නව නීති, වත්මන්  පාර්ලිමේන්තුව අවසන් වන,  2029 වර්ෂය වන විට පූර්ණ වශයෙන් බලාත්මක කෙරෙන බව රජය පවසයි. ළමා සුරැකුම්, සුභ සාධන සහ බදු වාර්තා වැනි ක්ෂේත්‍ර ගණනාවකට ද නව හැඳුනුම්පත හඳුන්වා දීමට පියවර ගැනේ.  

(සටහන | Reuters ඇසුරින්; හර්ෂ උදයකාන්ත පීරිස්)
(harshaprs@yahoo.com)
9/26/2025

Britain to introduce compulsory digital ID for workers