ඒ අනුව, තවත් නොබෝ කාලෙකින් රුසියාව සහ ඉන්දියාව අතර එම ගිවිසුම් අවසන් කරන බවට ඉන්දීය අග්‍රාමාත්‍යවරයා සහතික කළ බව ජනපති ට්‍රම්ප් කියා සිටී.
යුක්‍රේන ගැටුම අවසන් කිරීමට රුසියානු රජයට බල කරමින්, ඒ වෙත දැඩි පීඩනයක් එල්ල කරනු පිණිස එම පියවර ගෙන තිබේ. කෙසේ වෙතත්, ඉන්දියාව සහ එක්සත් ජනපදය අතර බලශක්ති සහයෝගිතා ප්‍රවර්ධන සාකච්ඡා අඛණ්ඩව සිදු කෙරේ.
ඉන්ධන සහ ගෑස් වෙළඳාම, රුසියාව සතු විශාලතම අපනයන කර්මාන්තය වේ. චීනය, ඉන්දියාව සහ තුර්කිය, රුසියාවේ විශාලතම ඉන්ධන ගැනුම්කරුවන්ය.
රුසියානු ඉන්ධන මිලදී ගැනීමෙන් වළකින ලෙස චීනයට ද බලපෑම් සිදු කරන බව එක්සත් ජනපද ජනපති පවසයි. ජපානයට ද එක්සත් ජනපදයෙන් එම බලපෑම් එල්ල වී තිබේ.
එක්සත් ජනපදය විසින් ඉන්දීය අපනයන වෙත 50% ක තීරු බදු පනවා ඇත. රුසියාව සමග ගනුදෙනු කිරීම සම්බන්ධයෙන් වන 25% ක නව දඩ ප්‍රතිශතයක් ද ඊට ඇතුලත් වේ. රුසියාවෙන් ඉන්ධන සහ අවි මිල දී ගැනීමට එරෙහි සම්බාධක ලෙස එම පියවර ගත් බව ජනපති ට්‍රම්ප් කියා සිටී.
එක්සත් ජනපද බලපෑම් හමුවේ රාජ්‍ය නායකයන් දෙපළ අතර ද්වීපාර්ශ්වික සබඳතා ද අර්බුදයට ලක්වෙමින් ඇත.
ඉන්දියාව ලොව පස්වන (5) විශාලතම ආර්ථිකය වේ. ඊට විශාල වශයෙන් දායක වන රුසියානු බොරතෙල් මිලදී ගැනීම් කෙරෙහි දැඩි විශ්වාසයක් තබා රජය මෙතෙක් කටයුතු කළේය.
(සටහන | BBC ඇසුරින්; හර්ෂ උදයකාන්ත පීරිස්)
(harshaprs@yahoo.com)
10/16/2025
මුලාශ්‍රය :
Trump says Modi has agreed to stop buying Russian oil
