රුසියාව යළි යුක්‍රේන බලශක්ති මර්මස්ථාන ඉලක්ක කර ප්‍රහාර එල්ල කරමින් සිටින බව, යුක්‍රේන බලශක්ති අමාත්‍යංශය ටේලිග්‍රැම් පණිවුඩයක් මගින් කියා සිටී. යුක්‍රේනයේ පෙදෙස් රැසක හදිසි විදුලි බිඳ වැටීම් ද නිවේදනය කර තිබේ.
ප්‍රහාරයේ හානිය මෙතක් නිශ්චිතව වාර්තා වී නැත.
ටර්නොපිල් හි නේවාසික මහල් ගොඩනැගිල්ලක් ප්‍රහාරයෙන් විනාශ වී ඇතැයි, යුක්‍රේන මාධ්‍ය ප්‍රකාශ කළේය. රුසියානු ප්‍රහාරය අතර වාරයේ එල්වීව් හි විදුලි විසන්ධි වීම් වාර්තා විය.
ප්‍රහාරය හේතුවෙන්, බටහිර යුක්‍රේන මායිමේ පිහිටි නැටෝ සාමාජික පෝලන්තයේ ජෙෂූෆ් (Rzeszow ) සහ ලුබින් ( Lublin) ගුවන්තොටුපොළ තාවකාලිකව වසා දැමීමට පියවර ගෙන ඇත. සිය ගුවන් කලාපය ආරක්ෂා කරනු පිණිස, පෝලන්තය ප්‍රහාරක යානා පිටත් කර හැරියේය. නැටෝ සන්ධාන හමුදා ද ඊට එක්වූහ.
(සටහන | Reuters ඇසුරින්; හර්ෂ උදයකාන්ත පීරිස්)
(harshaprs@yahoo.com)
11/19/2025
Explosions shake western Ukraine after Russia's missile, drone attacks
