එක්සත් ජනපද හමුදා නායකත්වයෙන් යුත් සන්ධාන හමුදාවක් විසින් පසු ගිය මාස කිහිපය ඔස්සේම සිරියාවේ ගුවන් සහ භූමි ප්‍රහාර මෙහෙයුම් සිදු කර තිබේ. ඊට සිරියානු ආරක්ෂක අංශවලද සහාය හිමි විය.
ඉකුත් සති අන්තයේ සිරියවේදී එක්සත් ජනපද නිලධාරීන් වෙත සැක කටයුතු අයිසිස් ප්‍රහාරයක් එල්ල වීමත් සමග ඊට ප්‍රතිචාර දක්වන බව, ජනපති ඩොනල්ඩ් ට්‍රම්ප් පැවසීය.
ඒ අනුව, සිරියාවේ අයිසිස් සංවිධාන සාමාජිකයින්, යටිතල පහසුකම් සහ ආයුධ සංචිත ඉලක්ක කර ඊයේ එක්සත් ජනපද ප්‍රහාර එල්ල කෙරිණි. එම මෙහෙයුම, "උකුසු ඇස පහර" නම් විය.
එය යුද්ධයේ ආරම්භය නොව පළිගැනීමක් බව, එක්සත් ජනපද ආරක්ෂක ලේකම්, පීට් හෙග්සෙත් පැවසීය.
එම ප්‍රහාර සඳහා සිරියානු රජයේ පූර්ණ අනුග්‍රහය ලද බව, ජනපති ට්‍රම්ප් කියා සිටියේය. අයිසිස් සංවිධානය වෙත අතිශය බිහිසුණු ප්‍රහාර එල්ල කරන බව ද ඔහු පැවසීය.
මධ්‍යම සිරියාවේ හඳුනා ගත් ඉලක්ක 70කට ආසන්න සංඛ්‍යවක් වෙත එම ප්‍රහාර එල්ල කෙරිණි. ජෝර්දාන් ප්‍රහාරක යානා ද ඊට එක් වූහ.
U.S. F-15 සහ A-10 ප්‍රහාරක ජෙට් යානා, අපාචේ හෙලිකොප්ටර සහ හිමාර්ස් රොකට් පද්ධති ද එම මෙහෙයුමට එක් කෙරිණි.
අද (20) උදෑසන මධ්‍යම සිරියාවේ පැල්මයිරා නගරයේ දී එක්සත් ජනපද හමුදා භටයින් දෙදෙනෙක් සහ පරිවර්තකක්, හමුදා රථ පෙළක් ඉලක්ක කළ ත්‍රස්ත වෙඩි ප්‍රහාරයකින් ජීවිතක්ෂයට පත් වූහ. හමුදා වෙඩි පහරින් ප්‍රහාරකයා ඝාතනය කෙරිණි. ප්‍රහාරයෙන්, එක්සත් ජනපද හමුදා භටයින් තිදෙනෙක් ද තුවාළ ලැබූහ. ප්‍රහාරකයා, ඉස්ලාමීය රාජ්‍යයක් වෙනුවෙන් සටන් වදින අයිසිස් හිතවාදී ආරක්ෂක හමුදා සාමාජිකයකු බවට සැක කෙරේ.
එක්සත් ජනපද භටයින් 1000කට අධික පිරිසක්, සිරියාවේ රැඳී සිටිති.
වසර 13ක සිවිල් යුද්ධයකින් අනතුරුව ඉකුත් වසරේ, ජනපති බෂාර් අල් අසාද් ගේ රජය බිඳ දැමූ හිටපු සටන් කරුවන් විසින් සිරියාව පාලනය කෙරේ. අයිසිස් සංවිධානයෙන් බිඳුණු හිටපු අල් ඛයිඩා සාමාජිකයින් පිරිසක් ද ඊට එක්ව සිටිති.
අයිසිස් සංවිධානයේ නායකත්වයෙන් සටන් කෙරෙන මුස්ලිම් රාජ්‍යයකට එරෙහිව වත්මන් සිරියාව එක්සත් ජනපදය ප්‍රමුඛ සන්ධානයට සහාය පල කර සිටී. වත්මන් ජනපති අහ්මෙඩ් අල්-ෂරා ( Ahmed al-Sharaa) පසුගිය මස, ධවල මන්දිරයේදී ජනපති ට්‍රම්ප් හමුවීමෙන් අනතුරුව, ඒ පිලිබඳ ගිවිසුමකට ද අත්සන් තැබිණි.
(සටහන | Reuters ඇසුරින්; හර්ෂ උදයකාන්ත පීරිස්)
US hits ISIS in Syria with large retaliatory strikes, officials say
