ඉන්දියාව හා යුරෝපය අතර නව මාවතකට මුල පිරේ

එහිදී, ඉරාන න්‍යෂ්ටික වැඩසටහන පිලිබඳ ජනපති ට්‍රම්ප් සමග සාකච්ඡා කිරීමට අපේක්ෂා කරන බව, ඔහු  ඊයේ (22) පැවසීය.

ග්‍රීක අග්‍රාමාත්‍ය, කීර්යාකොස් මිට්සොටාකීස් (Kyriakos Mitsotakis) සහ සයිප්‍රස් ජනපති නීකොස් ක්‍රිස්ටොඩූලීදෙස් (Nikos Christodoulides) සමග  ජෙරුසෙලමේ පැවති ඒකාබද්ධ මාධ්‍ය සාකච්ඡාවකදී ඔහු ඒ බව කියා සිටියේය. ඊශ්‍රායලයේ ඇසට වැලි ගසා ඉරානය මෑත කාලීන න්‍යෂ්ටික අත්හදා බැලීම් සිදු කළ බව, ඊශ්‍රායලය දන්නා බව ඔහු එහිදී පැවසීය.

ඉරානයේ බැලස්ටික් මිසයිල අත්හදා බැලීම්, මැද පෙරදිග ස්ථාවරත්වයට එරෙහි   සාම්ප්‍රදායික තර්ජනයක් බව බටහිර මතය යි. එරට න්‍යෂ්ටික බෝම්බයක් නිෂ්පාදනයට සූදානම් වන බවට චෝදනා ඉරානය ප්‍රතික්ෂේප කරයි.

කෙසේවෙතත්, එන සතියේ ජනපති ට්‍රම්ප් සමග   සාකච්ඡාවල ඉලක්කය  ගාසා සාම සැලැස්මේ මීළඟ අදියර සහ ලෙබනනයේ සිටින ඉරාන හිතවාදී හිස්බුල්ලා සටන්කරුවන් පිලිබඳ බව, අගමැති නෙතන්යාහු අවධාරණය කර සිටියේය. ඊශ්‍රායලයේ අපේක්ෂාව ස්ථාවර, ස්වෛරී ලෙබනනයක් බවත්, යේමනයේ, ඉරාන හිතෛශී හුති ත්‍රස්තයින් විසින් ජාත්‍යන්තර නාවික ගමනාගමනයට එල්ල කෙරෙන බාධා  අවසන් කළ යුතු බවත්, ඔහු කියා සිටියේය.

ඊශ්‍රායලය, ග්‍රීසිය සහ සයිප්‍රසය අතර ආරක්ෂක සබඳතා තර කිරීමට ද එහිදී එකඟතා පල විය.  රටවල් ත්‍රිත්වය විසින් මැද පෙරදිග ඔස්සේ, මුහුදින් සහ දුම්රියෙන්, ඉන්දියාව, යුරෝපයට සම්බන්ධ කිරීමේ ව්‍යාපෘතියකට මුලපුරා තිබේ.  

එය  යුරෝපය සහ මැද පෙරදිග ඔස්සේ, තවත් රටවල් යා කෙරෙන අග්නිදිග  ද්වාරයක් ලෙස ක්‍රියාත්මකය.

තෙරට  ජාතික විදුලි බල ජාල, යුරෝපය සහ අරාබි අර්ධද්වීපය සමග සම්බන්ධ කරමින්  දිය යට රැහැන් සම්ප්‍රේෂණ පද්ධතියක් ද ඉදි කෙරේ. අග්නිදිග යුරෝපය බලශක්ති  කේන්ද්‍රයක් බවට පත් කිරීම එහි අරමුණයි.

(සටහන | Reuters ඇසුරින්; හර්ෂ උදයකාන්ත පීරිස්)


මුලාශ්‍රය :

Netanyahu to discuss Iran, next phase of Gaza plan with Trump