එම සංවිධානයේ මහ ලේකම් අන්තෝනියෝ ගුටෙරෙස් එය හෙළා දකිමින් ඊයේ (31) විශේෂ නිවේදනයක් නිකුත් කළේය.
ඊශ්‍රායලයේ එම ක්‍රියාවත් සමග එක්සත් ජාතීන්ගේ පලස්තීන සරණාගත ඒජන්සියේ සියලු මෙහෙයුම් අඩපණව තිබේ. ඊට අයත් සියලු දේපළ හෝ කාර්ය මණ්ඩල කිසිදු බාහිර පාර්ශ්වයක බාධා කිරීමට නතු නොවිය යුතු යැයි එම ප්‍රඥප්තියේ ම සඳහන් බව, එක්සත් ජාතීන්ගේ සංවිධානයේ මහ ලේකම්වරයාගේ ප්‍රකාශක, ස්ටෙෆාන් ඩුෂාරික් පවසයි. එක්සත් ජාතීන්ගේ පලස්තීන සරණාගත ඒජන්සියේ මහ කොමසාරිස්, ෆිලිප් ලසාරිනී විසින් ද ඊශ්‍රායලයේ ක්‍රියාව හෙළා දකිමින් ප්‍රකාශයක් නිකුත් කර තිබේ.
ඊශ්‍රායලය පසු ගිය වසරේ, පාර්ලිමේන්තු පනතක් මගින් එරට තුළ එක්සත් ජාතීන්ගේ පලස්තීන සරණාගත ඒජන්සියේ සියලු මෙහෙයුම් තහනම් කළේය. එරට කිසිදු නිලධාරියකුට එම ඒජන්සිය හා ගනුදෙනු කිරීමද එමගින් තහනම් කර තිබේ. එහි ප්‍රතිඵලයක් ලෙස එම ඒජන්සිය ජෙරුසෙලමේ සිට ක්‍රියාත්මකය. ජෙරුසෙලම, ඊශ්‍රායලය විසින් බලෙන් අත්පත් කර සිටින බව, එක්සත් ජාතීන්ගේ සංවිධානයේ මතය වේ.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්‍රය :
UN chief condemns Israeli law blocking electricity, water for UNRWA facilities
