පොලිස් රැඳවුම් භාරයේ පසුවන, එම රියදුරා පිලිබඳ පොලිස් විමර්ශන ක්‍රියාත්මක ය. යුදෙව්වෝ දහස් ගණනක් එම රැලියට සහභාගී ව සිටියහ.
අනතුරට පත් 18 හැවිරිදි තරුණයා එම ස්ථානයේදීම ජීවිතක්ෂයට පත් විය.
ඊශ්‍රායලයේ අනිවාර්ය හමුදා සේවය විවාදිත කරුණකි. එරට ඇතැම් පාර්ශ්ව එම නීතියෙන් විනිර්මුක්ත කර තිබීම මත සමාජය විශාල ලෙස භේද භින්නව පවතී. හමුදා සේවය අනිවාර්ය වන බහුතර ඊශ්‍රායල ජනතාව විසින්, ඉන් නිදහස් කර ඇති පිරිස් සමාජයට අසාධාරණ බරක් යැයි කියා සිටිති. එරට දැඩි මතධාරී අන්ත-ඕතඩොක්ස් පාර්ශව, පූර්ණ ආගමික නැඹුරුවක් සහිත අනන්න්‍යතා දක්වමින් අනිවාර්ය හමුදා සේවය ප්‍රතික්ෂේප කර සිටිති.
මෙම සමාජ අර්බුදය මත ඉකුත් වකවානුවේ, අග්‍රාමාත්‍ය බෙන්ජමින් නෙතන්යාහු ද දේශපාලනිකව මහත් පරිහානියට පත් විය.
වත්මන් ඊශ්‍රායලයේ හමුදා ක්‍රියාන්විතයන්හි වර්ධනය හේතුවෙන්, අනිවාර්ය හමුදා සේවය එහි බොහෝ ක්ෂේත්‍රයන්හි මුඛ්‍ය සහ ප්‍රධාන මාතෘකාවකි. ඉකුත් දෙවසර තුළ වැඩිම ඊශ්‍රායල හමුදා මරණ සංඛ්‍යාවක් වාර්තා වන්නේ ගාසා තීරයෙන් හා ලෙබනනය, සිරියාව, යේමනය සහ ඉරානය යන රටවලිනි.
(සටහන |Reuters ඇසුරින්; හර්ෂ උදයකාන්ත පීරිස්)
1/7/2026
(harshaprs@yahoo.com)
මුලාශ්‍රය :
Teen killed after bus hits ultra-Orthodox protesters in Jerusalem
