ගින්න මැඩ පැවැත්වීමට ගිනි භටයින් 300ක ට අධික පිරිසක් කැඳවා තිබේ.
එම ගිනි අනතුරින්, මෙතෙක් කිසිදු පුද්ගල මරණයක් වාර්තා වී නැත. ගින්න හටගත් ස්ථානයේ පදිංචිකරුවන් 47 දෙනකු මුදා ගැනීමට සහන සේවා කටයුතු කළහ.
මේ වන විටත්, ගින්න අසල කඳුකර පෙදෙසක් වෙත ව්‍යාප්ත වෙමින් පවතී. ගිනි නිවන හමුදා, ගින්න ව්‍යාප්තිය වැලැක්වීමට පියවර ගනිමින් සිටිති.
සිද්ධිය වූ ස්ථානය වෙත ගිනි නිවන ට්‍රක් රථ 85ක් පිටත් කර යවා ඇත. ගින්න හේතුවෙන් නගරයට ඉහළ අහසේ පවතින අධික දුමාරය සහ දුහුවිලි වළා හේතුවෙන් සහන කටයුතු පිණිස හෙලිකොප්ටර පිටත් කර හැරිය නොහැකිව ඇතැයි, බලධාරීහු කියති.
සියළු කාර්ය මණ්ඩල සහ සම්පත් වහා මුදා හැර අනතුරින් ජීවිත මුදා ගන්නා ලෙසත්, ගින්න මැඩ පැවැත්වීමට පියවර ගන්නා ලෙසත්, මහජන ආරක්ෂාව පිලිබඳ අමාත්‍ය, යුන් හෝ-ජූඞ් (Yun Ho-jung) විසින් අදාළ නිලධාරී වෙත උපදෙස් නිකත් කර තිබේ.
දකුණු කොරියාවේ ධනවත් සහ සුඛෝපභෝගී ගඞ්නම් දිස්ත්‍රික්කයේ, පැල්පත් නිවෙස් සහිත ගූර්යොඞ් (Guryong) ගම්මානයේ එම ගින්න හට ගෙන තිබේ.
(සටහන |Reuters ඇසුරින්; හර්ෂ උදයකාන්ත පීරිස්)
1/16/2026
(harshaprs@yahoo.com)
මුලාශ්‍රය :
Major fire breaks out in slum area of South Korea's Gangnam district
