එම චෝදනා ප්‍රතික්ෂේප කරන එරිත්‍රියාව එය, නව ගැටුමක සමාරම්භය සනිටුහන් කිරීම පිණිස ගොතන ලද්දක් බව කියයි.
ඉතියෝපියානු ෆෙඩරල් පොලිසිය මගින් සිදු කරන ලද මෙම වැටලීමත් සමග, දෙරට අතර විරසකය වර්ධනය වෙමින් පවතී. ඉතියෝපියාව සහ එරිත්‍රියාව දිගු කාලීන පස-මිතුරෝ වෙති. 2018 සිට දෙරට අතර සාම ගිවිසුමක් ක්‍රියාත්මක වෙමින් පැවති අතර එය සීතල යුද්ධයකට ද මග පෑදීය.
එරිත්‍රියාවෙන් ඒවා තිබූ ජීව උණ්ඩ වට 56,000ක් අත්අඩංගුවට ගත් බව, ඉතියෝපියානු පොලිසිය බදාදා (14) නිවේදනය කළේය. මෙම සතියේ අම්හරා කලාපයේදී සැකකරුවන් දෙදෙනකු ද අත්අඩංගුවට ගැනිණි. එම කලාපයේ ක්‍රියාත්මක ෆානෝ කැරළිකරුවන් 2023 සිට අභ්‍යන්තර කැරැල්ළක නිරතව සිටිති. අත්අඩංගුවට පත් කැරළිකරුවන්ගෙන් ප්‍රශ්න කිරීමේදී, එම ජීව උණ්ඩ තොගය එරිත්‍රියා රජය විසින් එවන ලද බවට තොරතුරු අනාවරණය වී තිබේ.
එරිත්‍රියාවට ප්‍රහාර එල්ල කිරීමේ චේතනාවෙන් එම චෝදනා ගොනු කර ඇතැයි රජය පවසයි.
මෙම සතියේ රාජ්‍ය මාධ්‍ය හා සම්මුඛ සාකච්ඡාවකට එක්වූ එරිත්‍රියා ජනපති ඉසයියස් අෆ්වර්කී (Isaias Afwerki ), ඉතියෝපියාව සිය රටට එරෙහිව යුද ප්‍රකාශ කර ඇතැයි කියා සිටියේය. මේ මොහොතේ එවැන්නක් අනවශ්‍ය බවත්, එහෙත්, අභියෝගයේදී ජාතිය ආරක්ෂා කරන අන්දම දන්නා බවත් ඔහු කියා සිටියේය.
ඉසයියස් අෆ්වර්කී
1998 ඇරඹි දෙරට අතර දේශසීමා ගැටුම පස් වසරක් පැවතියේය. ගැටුම ජයගත් එරිත්‍රියාව, ඉතියෝපියාවෙන් නිදහස ලැබීය. අනතුරුව 2020-22 ඉතියෝපියානු සිවිල් යුද්ධයේදී, එරිත්‍රියානු හමුදා, ඉතියෝපියානු හමුදාවේ සහායට එක්වූහ.
(සටහන |Reuters ඇසුරින්; හර්ෂ උදයකාන්ත පීරිස්)
1/16/2026
(harshaprs@yahoo.com)
මුලාශ්‍රය :
Ethiopia accuses Eritrea of arming rebels in escalating war of words
