සිඩ්නි වරායේ මෝර ප්‍රහාරයකින් ළමයෙකුගේ තත්ත්වය බරපතලයි

පවතින අධික වර්ෂාව මෝරුන්ට නිරන්තරයෙන් වරාය ජල තටාකයට පිවිසීමට හිතකර පරිසරයක් නිර්මාණය කර ඇත.

ඊයේ මධ්‍යහ්නයේ සිය මිතුරන් සමග සිඩ්නි වෙරළට  ඔබ්බෙන් ගල් පර අතර ක්‍රීඩා කරමින් සිටි දරුවකු මෙසේ මෝර මත්ස්‍යයකු විසින් බරපතල සපා කෑමට ලක්කර    තිබේ. දිය රළ අතර මෝර ප්‍රහාරයට ලක්වෙමින් සිටි ඔහු, මිතුරන් සහ හදිසි සේවා  විසින් මහත් පරිශ්‍රමයක් දාරා මුදා රැගෙනවිත් ඇත. ඔහුගේ දෙපා දරුණු ලෙස මෝරා ගේ  සපා කෑමට ලක් ව ඇත. ඔහුගේ තත්ත්වය බරපතල බව සෞඛ්‍ය අංශ සඳහන් කරයි.

අධික වර්ෂා පතනය හේතුවෙන් වරාය ජල තටාකය ද වැසි දියෙන් පිරී පවතී. එම කිවුල් ජලයට මෝර මත්ස්‍යයෝ ඉතා ප්‍රිය කරති.

ඕස්ට්‍රේලියාවේ වාර්ෂිකව පුද්ගලයින් 20 දෙනකු පමණ මෝර ප්‍රහාරයන්ට ගොදුරු වේ. ඉන් බරපතල සිද්ධි සාමාන්‍යය 3 කි. 

(සටහන |Reuters ඇසුරින්; හර්ෂ  උදයකාන්ත පීරිස්)
1/18/2026
(harshaprs@yahoo.com)

මුලාශ්‍රය :

Australian boy in critical condition after Sydney Harbour shark attack