එම කපොලු හරහා ඉරාන සහාය හිමි හිස්බුල්ලා ත්‍රස්තයින් අවි ජාවාරමේ නිරත බව එම හමුදා පවසති.
ඊශ්‍රායලය සහ ලෙබනනය අතර එක්සත් ජනපද සහායයෙන් 2024 සිට සටන් විරාමයක් ක්‍රියාත්මක වේ. එම සටන් විරාමය ඇරඹීමත් සමග ඊශ්‍රායලය සහ හිස්බුල්ලා සංවිධානය අතර වසරක පමණ ගැටුම් නිම විය. ඊශ්‍රායල ප්‍රහාර හමුවේ හිස්බුල්ලා සංවිධානය මහත් සේ අඩපණ වූයේය.
හිස්බුල්ලා සංවිධානය නිරායුධ කරන ලෙස එක්සත් ජනපදය සහ ඊශ්‍රායලය විසින් ලෙබනන රජයට දැඩි බලපෑම් එල්ල වේ. එය සාර්ථක නොවන තැන, කුමන මොහතක හෝ හිස්බුල්ලා ත්‍රස්තයින් ඉලක්ක කර ඊශ්‍රායල ප්‍රහාර ඇරඹිය හැකි බවට ලෙබනන නායකයෝ බිය පළකරති.
මේ අතර දකුණු ලෙබනනයට අයත් ඛෙන්නරිත් ගම්මානය වෙත එල්ල කළ තවත් ඊශ්‍රායල ප්‍රහාරයක් හමුවේ 19දෙනෙක් තුවාළ ලදහ. දකුණු ලෙබනනයේ ස්ථාන කිහිපයක පිහිටි ගොඩනැගිලිවල වෙසෙන නේවාසිකයින් වෙත ඊයේ ඊශ්‍රායල හමුදා විසින් අනතුරු ඇඟවීම් නිකුත් කිරීමෙන් අනතුරුව ඒ වෙත ප්‍රහාර එල්ල කෙරිණි. එම පරිශ්‍රයන් හි හිස්බුල්ලා ත්‍රස්තයින් ගැවසෙන බවට ලද තොරතුරු අනුව පහර දුන් බව ඊශ්‍රායල හමුදා පැවසූහ.
ඊශ්‍රායල හමුදා නැවතත්, ලෙබනන ජනාවාස වෙත ගුවන් ප්‍රහාර එල්ල කිරීම අරඹා ඇතැයි, ලෙබනන ජනපති ජෝසෆ් අවුන් එක්ස් (X) මත සටහනක් තබමින් කියා සිටියේය.
(සටහන |Reuters ඇසුරින්; හර්ෂ උදයකාන්ත පීරිස්)
1/22/2026
(harshaprs@yahoo.com)
මුලාශ්‍රය :
Israel strikes four Syria-Lebanon border crossings
